Грамадства2727

Крысціна Ціманоўская пракаментавала заяву Следчага камітэта і «перапіску» з Ігарам Турам

Лёгкаатлетка папярэдзіла: паказанні яна даваць не збіраецца.

Крысціна Ціманоўская. Скрыншот сторыс у яе інстаграме

Нагадаем: нядаўна спартоўка Крысціна Ціманоўская даведалася, што яе былы муж Арсеній Зданевіч знянацку вярнуўся на радзіму.

Лёгкаатлетка сцвярджае, што мужчына прысвоіў сабе чужыя грошы — і яе, і іншых людзей. Рэч у тым, што некаторы час таму ў Арсенія была ў Польшчы фірма, якая займалася прыгонам аўтамабіляў з ЗША на замову. Але «Трыбуна» знайшла некалькі чалавек, якія аддалі Арсенію грошы, але машыны так і не пабачылі.

Распавядаючы пра прыгоды свайго былога мужа, якога Крысціна пабачыла ў відэа ў інстаграме мінскай аўтамыйкі, спартоўка тэгнула ў сторыс акаўнты МУС Беларусі, а таксама памежнай службы.

Учора Следчы камітэт паабяцаў праверыць «на экстрэмізм» Арсенія Зданевіча.

Крысціна лічыць, што Арсеній паехаў у Беларусь, каб схавацца ад праблем.

«Наколькі я ведаю, яму пагражаў тэрмін за махлярства і ў Польшчы, і ў Грузіі. Ён знік у Польшчы, калі людзі напісалі на яго заяву [у паліцыю]. Потым так знік у Грузіі. Цяпер вось знік у Беларусі. Чалавек, які сумленна працуе, не падманвае і не крадзе, не будзе знікаць і хавацца», — сказала яна ў каментары «Нашай Ніве».

Лёгкаатлетка кажа, што і яна, і іншыя пацярпелыя спрабавалі выйсці з ім на сувязь, каб даведацца, калі ён верне грошы. Але мужчына ўсіх ігнаруе.

«Са мной на сувязь выйшлі некалькі пацярпелых. Іх сума агульная недзе ад 30 да 40 тысяч даляраў. Але пазней высветлілася, што ён яшчэ камусьці па дробязі вінны, гэта недзе ад тысячы да трох тысяч даляраў. Плюс не ўсе, каго ён падмануў, выходзілі на сувязь. Некаторыя дзейнічалі самастойна і проста падавалі заяву ў паліцыю», — кажа спартоўка.

Крысціна адзначае, што аднаму чалавеку Арсеній вярнуў грошы, калі быў у Грузіі. «Таму што ў хлопцаў аказаліся добрыя сувязі. Таму там Арсеній напісаў распіску ў натарыуса і аднаму з пацярпелых вярнуў 10 тысяч даляраў. І пасля гэтага зноў перастаў выходзіць на сувязь».

На пытанне, што яна адчула, калі пабачыла навіну ад Следчага камітэту, спартоўка адказала максімальна лаканічна: «Нічога».

«Наша Ніва» таксама папрасіла пракаментаваць лёгкаатлетку перапіску з Ігарам Турам. Прапагандыст учора выклаў у сваім тэлеграм-канале скрыншот, на якім ён быццам бы адрэагаваў на сторыс Крысціны агеньчыкам, а яна напісала яму: «Перадайце ў навінах, што злачынец па Мінску ходзіць. Ён як у Польшчы людзей на грошы кідаў, і ў Грузіі, і ў Беларусі будзе таксама рабіць».

Такі скрыншот Ігар Тур апублікаваў у сваім тэлеграм-канале

Крысціна гэтую перапіску назвала фоташопам і адказала, што не ведае, хто такі Ігар Тур. Яна таксама дадала:

«Калі нехта раптам напіша, што я выйшла на анлайн-сазвон і дала паказанні, дык я адразу вам адкажу, што нічога такога рабіць не буду і любая такая інфармацыя — хлусня».

Каментары27

  • Да уж
    14.02.2025
    А чего развелись-то? Гармоничная пара
  • Іхар Бізон
    14.02.2025
    Так карцела апаганіць Крысьціну Справядлівую ў вачох грамадзкасьці, але выкрыўся мой паташёп
  • Фэйспалм
    14.02.2025
    Наяўжо яна настолькі абмежаваныя (больш выразнае слова тут не прапусцяць), што сапраўды не ведае, хто такі Тур

Цяпер чытаюць

Тры порцыі марожанага і пераапранутая бабуля ў лесе — як затрымлівалі забойцу з праспекта Ракасоўскага і яго бацькоў2

Тры порцыі марожанага і пераапранутая бабуля ў лесе — як затрымлівалі забойцу з праспекта Ракасоўскага і яго бацькоў

Усе навіны →
Усе навіны

Жыхары дамоў па вуліцы Сямёнава ў Мінску часова адстаялі сваё жыллё2

Беларусы напісалі ў Канстытуцыйны суд больш за 113 скаргаў. Міклашэвіч: Прыдатныя толькі 5% з іх

Праблемы з візамі на канцэрт Каржа ў Варшаве — беларусы атрымліваюць адмовы па незразумелых прычынах14

Трамп патлумачыў кіраўніку НАТА, чаму ЗША патрэбная Грэнландыя10

«Няскоранае пакаленне». Выйшла кніга аб рэпрэсаваных студэнтах4

Чыноўніца Гомельскага аблвыканкама ў размове з блогерам прызналася ў палітычных чыстках2

«А мяне за што?» І купцы са Смаленска, якія нахабна збіваюць кошт дзедавай хаты — страшная кніга пра наступствы5

«Культура і мастацтва» правяла на пенсію галоўную рэдактарку. Ні слова па-беларуску17

У Іспаніі знайшлі фрагменты костак самага старажытнага з вядомых у Заходняй Еўропе людзей1

больш чытаных навін
больш лайканых навін

Тры порцыі марожанага і пераапранутая бабуля ў лесе — як затрымлівалі забойцу з праспекта Ракасоўскага і яго бацькоў2

Тры порцыі марожанага і пераапранутая бабуля ў лесе — як затрымлівалі забойцу з праспекта Ракасоўскага і яго бацькоў

Галоўнае
Усе навіны →

Заўвага:

 

 

 

 

Закрыць Паведаміць