Hramadstva

Sudziać udzielnikaŭ telehram-čata «Armija z narodam». U ich hrupie siamiejnaja para, a taksama Sparyš, paplečnik Statkieviča

U Minsku pačali sudzić udzielnikaŭ telehram-čata «Armija z narodam». Pa spravie prachodzić piać čałaviek, u tym liku aktyvist partyi «Narodnaja hramada» Siarhiej Sparyš, jakoha zatrymali za paŭtara miesiaca da vybaraŭ i asnoŭnych akcyj pratestu. Siarod abvinavačanych taksama siamiejnaja para — Antanina Kanavałava i Siarhiej Jaraševič, ich małych dziaciej babula terminova vyviezła za miažu, kab nie zabrali ŭ internat.

Fihurantam pahražaje da 8 hod źniavoleńnia, abvinavačvańnie im źmianili ŭžo padčas śledstva, spačatku pradjaŭlali ŭdzieł u aktyŭnych dziejańniach, jakija parušajuć hramadski paradak (za heta maksimalny termin — 3 hady kałonii), ciapier ža — padrychtoŭka da ŭdziełu ŭ masavych biesparadkach, padrychtoŭcy biesparadkaŭ, a Sparyša vinavaciać jašče i ŭ tym, što pieraškadžaŭ dziejnaści Centrvybarkama.

Siarhiej Sparyš 

Spravu razhladaje sudździa Siarhiej Jepichaŭ. Na praces puścili tolki blizkich svajakoŭ abvinavačanych, pasiedžańnie prachodzić u małoj zali. Kala 30 čałaviek, jakija zastalisia ŭ kalidory, napisali skarhu staršyni Minskaha abłasnoha suda Eduardu Kaśpiaroviču, pakolki ŭ budynku jość bolšaja zała, ale jana na hety praces nie była zadziejničana.

Pa spravie prachodzić piać čałaviek: aktyvist «Narodnaj hramady» Siarhiej Sparyš, udzielnica ruchu «Kraina dla žyćcia» Antanina Kanavałava, udzielniki telehram-čata «Armija z narodam» Siarhiej Koršunaŭ (były supracoŭnik milicyi), Siarhiej Jaraševič i Jaŭhien Pryvałaŭ (adziny, chto nie znachodzicca pad vartaj, infarmacyi ab pryznańni jaho palitviaźniem niama). 

Pres-sakratar MUS Volha Čamadanava zajaŭlała, što apieratyŭniki sačyli za telehram-čatam z červienia 2020 hodu. 

«U čacie aktyŭna zaklikali da siłavoha ŭździejańnia na pradstaŭnikoŭ MUS i ŭnutranych vojskaŭ u dzień mahčymych pratestaŭ, zboru i kaardynacyi ŭ peŭnych miescach radykalna nastrojenych hramadzian, hatovych da aktyŭnych dziejańniaŭ. Abmiarkoŭvalisia sposaby supraćdziejańnia, mahčymyja pravakacyi ŭ adnosinach pravaachoŭnikaŭ», — kazała Čamadanava.

Ad svajakoŭ viadoma, što prynamsi Koršunaŭ i Kanavałava vinu nie pryznajuć.

Kamientary

Ciapier čytajuć

Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»7

Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»

Usie naviny →
Usie naviny

«Usio skončana». Ukrainskija vajskoŭcy raskazali pra adstupleńnie z Kurskaj vobłaści8

Na adnym z samalotaŭ «Biełavija» adklučyłasia sistema papiaredžańnia sutyknieńniaŭ u pavietry

Japonca Nakanisi Masatosi asudzili ŭ Biełarusi da 7 hod kałonii 3

ZŠA prypyniaje finansavańnie «Radyjo Svaboda» i telekanału «Nastojaŝieje vriemia» z 1 krasavika?8

U Minsku zaŭvažyli BMW z pryhožym numaram i «vośmym» rehijonam FOTAFAKT3

Niepaŭnaletniaja dziaŭčyna ździejśniła samahubstva na ŭpiscy ŭ Bresckaj vobłaści

Dačka pres-sakratara Pucina vyjšła zamuž i źmianiła proźvišča12

«Heta dobry znak salidarnaści». Tadevuš Kandrusievič padziakavaŭ za toje, što ludzi malilisia za jaho zdaroŭje

Litoŭskija elity ličać hałoŭnym vyklikam dla krainy pahrozy z boku Biełarusi i Rasii5

bolš čytanych navin
bolš łajkanych navin

Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»7

Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»

Hałoŭnaje
Usie naviny →

Zaŭvaha:

 

 

 

 

Zakryć Paviedamić