Hramadstva66

Łukašenkaŭski resurs apraŭdvaje napad Hitlera na Polšču, a kancłahiery nazyvajuć «novymi pracoŭnymi miescami»

Pablik «Žoŭtyja źlivy» śćviardžaje, što napad na Polšču byŭ adzinym vyjściem dla Hitlera, bo Polšča nibyta sama rychtavała napad na Hiermaniju i Saviecki Sajuz. Hetaksama apraŭdvaŭ vajnu i sam Hitler.

Sałdaty viermachta łamajuć šłahbaum na pamiežnym punkcie ŭ Sopacie (miaža Polščy i volnaha horada Dancyha), 1 vieraśnia 1939. Fota: «Vikipiedyja»

U hadavinu pačatku II Suśvietnaj vajny «Žoŭtyja źlivy» repostnuli dopis, u jakim niejki aŭtar-prapahandyst «raźvienčvaje mify» pra pačatak vajny.

Voś vytrymki z «raźvienčvańnia mifaŭ».

«2. Polšča była niavinnaj achviaraj ahresii.

Šakał Jeŭropy zžor čužoje ŭ Rasii, Aŭstra-Vienhryi, Čechasłavakii, Hiermanii. Ablizvaŭsia na Litvu, SSSR i patrabavaŭ kałonii ŭ Afrycy.

4. Rejch doŭha rychtavaŭsia.

Naohuł nie rychtavaŭsia. Da 31.08.1939 sprabavaŭ vyrašyć z Dancyhskim kalidoram pa-mirnamu. Ale Zachad zrabiŭ usio, kab pa-mirnamu nie vyjšła. Dyrektyva №1 była padpisanaja Adzikam 31 žniŭnia.

8. Vajna z boku Rejcha była zachopnickaj.

Viadoma nie. Rejch sprabavaŭ atrymać biazmytny kalidor u niamiecki horad Dancyh. Ciapier takoje vyrašajecca pa telefonie. Havorka nie išła navat pra viartańnie niamieckich ziemlaŭ», — raspaŭsiudžvaje dopis łukašenskaŭski pablik.

Repostam praŭładny kanał nie abmiežavaŭsia. Jon stvaryŭ ułasny dopis, u jakim prakamientavaŭ patrabavańnie Polščaj reparacyj ad Hiermanii za straty ŭ Druhoj Suśvietnaj vajnie.

«A naohuł, kali ščyra, patrabavać ź niemcaŭ hrošaj za vajnu nie zusim spraviadliva.

Bo kali ŭspomnić historyju, fašysckaja Hiermanija nie tolki vyciahvała z Polščy soki, ale i ŭkładvała ŭ jaje. Zajmałasia ekanomikaj Polščy, stvarajučy pradpryjemstvy i novyja pracoŭnyja miescy. Kancłahieraŭ u krainie pabudavana było niamała i, što važna, pracavali tam pieravažna palaki».

«Kryminalny kodeks Respubliki Biełaruś praduhledžvaje da piaci hadoŭ turmy za reabilitacyju nacyzmu. Ale hety Kodeks, vidać, nie budzie prymienieny da prapahandystaŭ, kali jany apraŭdvajuć hitleraŭski napad na Polšču. Urešcie, Hitler u 1939 hodzie byŭ sajuźnikam Stalina, a Stalina chvalać aficyjnyja biełaruskija ŭłady. Dy i «śviata narodnaha adzinstva» 17 vieraśnia było vynikam taho, što Hitler i Stalin raspačali vajnu», — prakamientavaŭ skandalnyja dopisy historyk Kastuś Šytal.

Kamientary6

  • stop łukašyzm
    02.09.2022
    Tak zaraždajecca fašyzm, chacia łukašyzm i tak užo pa mnohim kryteryjam pieraplunuŭ fašyzm!
  • Biełarus
    02.09.2022
    Ja zaŭdy kazaŭ, što łukašyzm heta saviecka-kałhasny fašyzm, pryčym z mazaičnym psichapackim nachiłam, ale ciapier z ulikam źmialčeńnia i poŭnaj dehradacyi, jon rezka pierajšoŭ u fašyzm rasiejski. Tak zdaryłasia zakanamierna, bo chvoraha padkinuła rasieja.
  • Valadzimir
    03.09.2022
    Biełarus, Vy, jak bačna, zabylisia, i tamu nahadaju, što z 1996 hoda u RB kanstytucyjna zamacavana, akramia "saviecka-kałhasnaj" dziaržaŭnaj ułasnaści, jašče i pryvatnaja ŭłasnaść (častnaja sobstviennosť). I vielmi padobna na toje, što zaraz u RB "rulit" mienavita jana, hetaksama, jak i ŭ RF.

Ciapier čytajuć

Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»7

Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»

Usie naviny →
Usie naviny

«Usio skončana». Ukrainskija vajskoŭcy raskazali pra adstupleńnie z Kurskaj vobłaści8

Na adnym z samalotaŭ «Biełavija» adklučyłasia sistema papiaredžańnia sutyknieńniaŭ u pavietry

Japonca Nakanisi Masatosi asudzili ŭ Biełarusi da 7 hod kałonii 3

ZŠA prypyniaje finansavańnie «Radyjo Svaboda» i telekanału «Nastojaŝieje vriemia» z 1 krasavika?8

U Minsku zaŭvažyli BMW z pryhožym numaram i «vośmym» rehijonam FOTAFAKT3

Niepaŭnaletniaja dziaŭčyna ździejśniła samahubstva na ŭpiscy ŭ Bresckaj vobłaści

Dačka pres-sakratara Pucina vyjšła zamuž i źmianiła proźvišča12

«Heta dobry znak salidarnaści». Tadevuš Kandrusievič padziakavaŭ za toje, što ludzi malilisia za jaho zdaroŭje

Litoŭskija elity ličać hałoŭnym vyklikam dla krainy pahrozy z boku Biełarusi i Rasii5

bolš čytanych navin
bolš łajkanych navin

Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»7

Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»

Hałoŭnaje
Usie naviny →

Zaŭvaha:

 

 

 

 

Zakryć Paviedamić