Pavarot u spravie advakatki, zatrymanaj za «pieradaču danych siłavikoŭ»: jaje muž pracuje na Vaładarcy i prachodzić paciarpiełym pa spravie ab apubličvańni jaho danych
Učora zatrymali maładuju advakatku Anastasiju Sahanovič, jakuju źviazanyja z MUS kanały abvinavačvajuć u nibyta «pieradačy danych siłavikoŭ ekstremisckim telehram-kanałam». Ale jość niuansy.
Jak stała viadoma «Našaj Nivie», muž Anastasii, Siarhiej Sahanovič — aficer Departamienta vykanańnia pakarańniaŭ MUS.
Jon — načalnik atrada ŭ SIZA №1 (Vaładarka).
Z vosieni 2020-ha jon prachodzić paciarpiełym pa spravie ab razhałošvańni źviestak ab im u adnym z telehram-kanałaŭ.
Vydadzieny byli jaho imia, data naradžeńnia, miesca žycharstva, numar telefona, rod zaniatkaŭ i hetak dalej.
Ci źviazana zatrymańnie jahonaj žonki ź jaho kryminalnaj spravaj, dakładna pakul nieviadoma, ale heta moža vyhladać jak nahoda.
Čytajcie taksama: Zatrymali advakataŭ Sahanovič i Makarava. Apošni abaraniaŭ palitviaźnia pa spravie «Revalucyjnaha dziejańnia»
Aficyjnyja resursy MUS paviedamlajuć, što Sahanovič i jaje kaleha Michaś Makaraŭ (syn znakamitaj vykładčycy jurfaka BDU, zahadčycy kafiedry ekałahičnaha i ahrarnaha prava Tamary Makaravaj) nibyta pieradali «ekstremisckim» telehram-kanałam piersanalnyja źviestki supracoŭnikaŭ HUBAZiK, Śledčaha kamiteta, prakuratury i sudździaŭ, jakija razhladali kryminalnuju spravu «Revalucyjnaha dziejańnia» (artykuł 407 KK).
Ciapier čytajuć
Pajšoŭ z žyćcia 32-hadovy Maksim Čarniaŭski — zasnavalnik supołki «Nadakučyŭ nam hety Łukašenka» pačatku 2010-ch15
Kamientary