Haspadar u biełaruskim futbole novy, a vyniki staryja. Biełaruś — Šviejcaryja — 0:5
Zbornaja Biełarusi praviała pieršy matč kvalifikacyjnaha turniru da čempijanatu Jeŭropy pa futbole.
Nijakaha supracivu kamanda pad kiraŭnictvam Hieorhija Kandraćjeva šviejcarskim futbalistam nie akazała, uvieś čas hulnia išła ŭ adnu bramu.
Šviejcarcy adkryli lik na 4-j chvilinie, na 17-j padvoili pieravahu, na 25-j — patroili. Usie try hały ŭ pieršym tajmie, darečy, zabiŭ Renata Štefien z kłuba «Łuhana». Dahetul jon zabiŭ za zbornuju ŭsiaho adzin hoł, a tut adrazu try, dy ŭsiaho za 21 chvilinu. Heta novy rekord šviejcarskaj zbornaj pa chutkaści afarmleńnia chiet-tryku.
Apošnija dva hały ŭ biełaruskuju bramu ŭlacieli ŭžo druhim tajmie. Na 62-j chvilinie Hranit Džaka zabiŭ čaćviorty hoł, a na 65-j Zeki Amduni pastaviŭ, jak akazałasia, kropku.
5:0 na karyść Šviejcaryi!
Akurat niekalki dzion tamu pamianiałasia kiraŭnictva Biełaruskaj fiederacyi futboła. Na miesca adstaŭnoha pałkoŭnika Uładzimira Bazanava pryjšoŭ były viciebski viertykalščyk Mikałaj Šarśnioŭ. Ciapier užo ŭ jaho budzie baleć hałava, što z hetym usim rabić. Praŭda, užo 4 krasavika UEFA namiervajecca razhledzieć pytańnie ab tym, ci pakidać uvohule Biełaruś u mižnarodnym futbole. Tamu prablema moža ščaśliva vyrašycca sama saboj.
Čytajcie taksama:
Šarśnioŭ uznačaliŭ Biełaruskuju fiederacyju futboła
Były kiraŭnik Viciebščyny pra vyłučeńnie ŭ staršyni ABFF: Nižej za dno nie apuścišsia
UEFA razhledzić pytańnie vyklučeńnia biełaruskaha futboła ź mižnarodnych spabornictvaŭ
-
Alaksiej Protas ustanaviŭ biełaruski rekord pa bałach u NCHŁ
-
Eks-adnakłubnik biełarusa z Makiedonii zahinuŭ, kali ratavaŭ ludziej z pažaru načnoha kłuba, dzie zahinuli 59 čałaviek
-
Teletranślacyja sa stadyjona ŭ Minsku, jaki ŭ 2021 hodzie adkryvaŭ Łukašenka, «niebiaśpiečnaja dla zdaroŭja apierataraŭ»
Ciapier čytajuć
Muž hałoŭnaj hieraini prapahandysckaha filma BT skončyŭ žyćcio samahubstvam14
Kamientary