Zialenski šukaje zamienu ministru abarony Reźnikavu — «Ukrainskaja praŭda»
Prezident Ukrainy Uładzimir Zialenski šukaje zamienu Alaksieju Reźnikavu na pasadzie ministra abarony, i ŭ jaho ŭžo jość prynamsi dva kandydaty na heta, paviedamlaje «Ukrainskaja praŭda» na padstavie svaich krynic va ŭładnych kołach.
Adstaŭku Alaksieja Reźnikava va Ukrainie praročyli daŭno, ale ciapier, jak vykazałasia «Ukrainskaja praŭda», jana pierajšła z tearetyčna mahčymaj u praktyčna mahčymuju.
Adstaŭka Reźnikava ŭžo abmiarkoŭvałasia na pačatku lutaha paśla šerahu skandałaŭ, źviazanych ź im i jahonym viedamstvam. Kandydatam na ministra abarony tady ličyŭsia načalnik Hałoŭnaha ŭpraŭleńnia raźviedki Minabarony Kirył Budanaŭ. Ale tady ŭ vyniku ŭsie zastalisia na svaich miescach.
Ciapier ža, pavodle źviestak «Ukrainskaj praŭdy», Zialenski znoŭ šukaje kandydataŭ na zamienu Reźnikavu, i pra heta byli razmovy ŭžo z dvuma ludźmi z urada.
Pieršy kandydat — heta namieśnik premjer-ministra pa adnaŭleńni Ukrainy Alaksandr Kubrakoŭ, a druhi — ministr pa pytańniach stratehičnych halin pramysłovaści Ukrainy Alaksandr Kamyšyn. Ci byli razmovy ź inšymi kandydatami, vydańniu nieviadoma.
Što da Reźnikava, to jon nibyta nie suprać stać pasłom u Vialikabrytanii, ale nieviadoma, ci choča hetaha Zialenski.
Ciapier čytajuć
Muž hałoŭnaj hieraini prapahandysckaha filma BT skončyŭ žyćcio samahubstvam10
Kamientary