Padalak pra kontrnastup: My adstajem ad hrafika na šeść-dzieviać miesiacaŭ
Daradca kiraŭnika Ofisa prezidenta adznačyŭ, što Ukraina pačała aktyŭna prasić dać zbroju i techniku jašče vosieńniu minułaha hoda.
Michaił Padalak zajaviŭ, što adstavańnie ad hrafika kontrnastupu, jaki pačaŭsia ŭ červieni, składaje šeść-dzieviać miesiacaŭ. Ź jahonych słoŭ, pryčyna hetaha — zatrymka pastavak zbroi zachodnimi partniorami.
«My z vami z hrafika vypadajem na šeść-dzieviać miesiacaŭ»,— skazaŭ Michaił Padalak u intervju «24 kanału». Jon adznačyŭ, što Ukraina pačała aktyŭna prasić dać zbroju i techniku jašče vosieńniu minułaha hoda, piša «Kommiersant».
Napiaredadni načalnik Hałoŭnaha ŭpraŭleńnia raźviedki Minabarony Ukrainy Kirył Budanaŭ zajaviŭ, što ŭkrainskija vajskoŭcy vybilisia z hrafika viadzieńnia bajavych dziejańniaŭ.
«Budanaŭ absalutna maje racyju: kali damovilisia, a praź miesiac atrymali ŭsio nieabchodnaje, heta adna historyja. Kali damovilisia, a atrymali praz vosiem miesiacaŭ, heta inšaja historyja. Viadoma, my vypali z hrafika», — patłumačyŭ Michaił Padalak.
U pačatku kastryčnika kaardynatar stratehičnych kamunikacyj Rady nacyjanalnaj biaśpieki Biełaha doma Džon Kirbi zajaviŭ, što va Uzbrojenych Sił Ukrainy jość šeść-vosiem tydniaŭ dla paśpiachovaha praviadzieńnia apieracyj u ramkach kontrnastupleńnia.
Ukraina pačała maštabny kontrnastup u červieni hetaha hoda. U kancy vieraśnia The New York Times praanalizavała chod bajavych dziejańniaŭ z pačatku hoda. Pavodle danych vydańnia, Rasija zaniała na 302 kv. km bolš, čym Ukraina, choć linija frontu amal nie źmianiłasia.
Ciapier čytajuć
Pajšoŭ z žyćcia 32-hadovy Maksim Čarniaŭski — zasnavalnik supołki «Nadakučyŭ nam hety Łukašenka» pačatku 2010-ch15
Kamientary