Śviet1313

Niamiecki raźviedčyk pradaŭ FSB sakretnyja raźviedźviestki ab Ukrainie za 800 000 jeŭra

U Niamieččynie heta ličać adnym z samych surjoznych vypadkaŭ dziaržaŭnaj zdrady ŭ historyi krainy, bo stupień škody nie paddajecca vymiareńniu.

Adzin z budynkaŭ Fiederalnaj raźviedsłužby Niamieččyny ŭ Bierlinie. Fota: Michael Sohn / AP

U šostaj kalehii Vyšejšaha suda Bierlina pačaŭsia praces nad 52-hadovym pałkoŭnikam bundeśviera Karstenam Ł. Jon uznačalvaŭ adździeł biaśpieki Fiederalnaj raźviedvalnaj słužby Niamieččyny (BND).

Jaho abvinavačvajuć u dziaržzdradzie i razhałošvańni dziaržtajamnic rasijskim śpiecsłužbam. Razam ź im sudziać handlara dyjamientami i eks-šarahoŭca bundeśviera Artura E. Praces praciahniecca jak minimum da leta. Za hety čas płanujecca pravieści 51 pasiadžeńnie. Da spravy pryciahnuty 40 tamoŭ dakumientaŭ, piša Bild.

Pa viersii śledstva, abvinavačanyja pradali FSB klučavyja raźviedźviestki ab vajnie va Ukrainie. Za heta jany atrymali bolš za 800 000 jeŭra.

U BND heta ličać adnym z samych surjoznych vypadkaŭ dziaržaŭnaj zdrady ŭ historyi Niamieččyny, stupień škody nie paddajecca vymiareńniu. Karstena Ł. aryštavali ŭ Bierlinie 21 śniežnia 2022 hoda.

Na zdradnika ŭ BND palavali tydzień, vyrašalnaja infarmacyja pastupiła ad śpiecsłužbaŭ družalubnaj dziaržavy.

Spačatku Karsten Ł. atrymaŭ dostup da zakrytaha čata najmitaŭ PVK «Vahnier», zrabiŭ skrynšoty i pieradaŭ ich FSB. Zatym jon hetak ža zrabiŭ 73 staronki skrynšotaŭ unutranych čataŭ BND. Artur E. advioz ich u Maskvu i atrymaŭ za heta hrošy.

Karsten Ł. admaŭlajecca davać pakazańni. Pryčym jon praciahvaje atrymlivać ad dziaržavy zarobak 7613 jeŭra ŭ miesiac. Kalehi ličać, što na zdradu jaho padšturchnuła niazhoda ź mihracyjnaj i ekanamičnaj palitykaj uładaŭ Niamieččyny.

Kamientary13

  • Sneed
    13.12.2023
    > na zdradu jaho padšturchnuła niazhoda ź mihracyjnaj i ekanamičnaj palitykaj uładaŭ Niamieččyny
    a jak hety ŭčynak pavinien vypravić situacyju?
    lepš by ŭžo jakoha-niebudź pra-imihracyjnaha palityka zabiŭ, i toe menšy termin by atrymaŭ, jak mnie zdajecca
  • Josik
    13.12.2023
    Navošta takija hrošy, jak ich lehalizavać? Niaŭžo maryŭ u rasieju źbiehčy, chatku nabyć pad razańniu? A što dalej? Hłuzdami źjechać ad žyćcia, da jakoha nie prydatny.
  • Gorliwy Litwin
    13.12.2023
    A jon padatki zapłaciŭ sa ździełki? Kali nie, dyk heta strašnaje parušeńnie i da jaho mohuć źjavicca pretenzii

Ciapier čytajuć

Pajšoŭ z žyćcia 32-hadovy Maksim Čarniaŭski — zasnavalnik supołki «Nadakučyŭ nam hety Łukašenka» pačatku 2010-ch22

Pajšoŭ z žyćcia 32-hadovy Maksim Čarniaŭski — zasnavalnik supołki «Nadakučyŭ nam hety Łukašenka» pačatku 2010-ch

Usie naviny →
Usie naviny

Dalar upaŭ na try kapiejki

Rasijskija simki šmat kaho ź biełarusaŭ zabłakujuć, a aŭtobusy ŭ Picier zastanucca biez Wi-Fi16

Saakašvili pryhavaryli jašče da čatyroch z pałovaj hadoŭ turmy3

Rasija patrabuje «žalezabietonnych harantyj» nieŭstupleńnia Ukrainy ŭ NATA9

Rełakanty ŭ Litvie zapłaciać dvojčy? Raźbirajemsia, jak žyć biez pahadnieńnia ab padatkach8

Na adnym ź minskich plažaŭ źjaviacca podyumy dla zaharu

Na Daŭhinaŭskim trakcie pierakuliŭsia aŭtamabil. Ludzi sami vyleźli ź jaho

Dziaržsakratar ZŠA raskazaŭ pra dva płany vyrašeńnia kanfliktu va Ukrainie10

U Biełaruś prylacieli pieršyja busły2

bolš čytanych navin
bolš łajkanych navin

Pajšoŭ z žyćcia 32-hadovy Maksim Čarniaŭski — zasnavalnik supołki «Nadakučyŭ nam hety Łukašenka» pačatku 2010-ch22

Pajšoŭ z žyćcia 32-hadovy Maksim Čarniaŭski — zasnavalnik supołki «Nadakučyŭ nam hety Łukašenka» pačatku 2010-ch

Hałoŭnaje
Usie naviny →

Zaŭvaha:

 

 

 

 

Zakryć Paviedamić