Kultura11

Habieleny biełaruskaha rekardsmiena knihi Hinesa pryznali pomnikami mastactva

Adšukać ich možna jak u Minsku, tak i ŭ Mahilovie. 

Habielen «Skaryna» ź sieryi habielenaŭ dla Opiernaha teatra, stvoranych Alaksandram Kiščankam. Fota: telehram-kanał «Spadčyna»

U Dziaržaŭny śpis historyka-kulturnych kaštoŭnaściej uniesieny ceły šerah habielenaŭ narodnaha mastaka Biełarusi Alaksandra Kiščanki. Pra heta paviedamiŭ telehram-kanał «Spadčyna».

Niekatoryja z tvoraŭ Kiščanki i raniej byli pad achovaj dziaržavy. Heta habieleny «Muzyka» ŭ Muzyčnym kaledžy imia Hlinki, habielen-zasłona ŭ Opiernym teatry i najbolš viadomy «Habielen Vieku», jaki praz svaje pamiery — 19 na 14 mietraŭ, — byŭ uniesieny ŭ knihu rekordaŭ Hinesa jak najvialikšy ŭ śviecie.

Zasłona-habielen u Vialikim teatry Biełarusi, stvoranaja Alaksandram Kiščankam. Fota: telehram-kanał «Spadčyna»
Stan zasłony-habielena ŭ Vialikim teatry Biełarusi. Fota: telehram-kanał «Spadčyna»

Vyjaviłasia, što teatralnaja zasłona — tolki častka ź sieryi habielenaŭ, stvoranych Kiščankam u 1970-1980-ja hady dla Opiernaha teatra. Astatnija habieleny raskidanyja pa inšych ustanovach, kudy, jak miarkujuć aŭtary kanała, jany mahli trapić u čas apošniaj rekanstrukcyi Opiernaha teatra — savieckamu mastactvu nie znajšłasia miesca ŭ łosku i blasku abnoŭlenych interjeraŭ.

U Biełaruskaj akademii mastactvaŭ adšukalisia jašče try habieleny z hetaj sieryi: «Biełaruś», «Muzyka», «Skaryna» (pieršyja čatyry fota), jakim ciapier prysvojeny status pomnikaŭ mastactva respublikanskaha značeńnia (2-ja katehoryja).

Habieleny «Biełaruś» i «Muzyka», jakija siońnia zachoŭvajucca ŭ Biełaruskaj akademii mastactvaŭ. Fota: telehram-kanał «Spadčyna»

Jašče bolš habielenaŭ ź sieryi adšukałasia ŭ Mahilovie: heta «Kosmas», «Revalucyja», «Pieśniary», a taksama dva vielizarnyja habieleny dla faje (11,5ch11,12 i 11,4ch11,3 m). Ale jak jany vyhladajuć — nieviadoma.

Siońnia jany zachoŭvajucca ŭ Pałacy kultury Mahilëŭskaĭ vobłaści, adkul u čas rekanstrukcyi da Foruma rehijonaŭ Biełarusi i Rasii, jaki prachodziŭ u 2018 hodzie, pavykidali ŭvieś «saviecki chłam», to-bok usio dekaratyŭna-manumientalnaje mastactva: stoli z trochmiernych elemientaŭ, habieleny, lityja mietaličnyja pieraharodki, lustry ź litoha škła i nabornyja draŭlanyja pano na ścienach. Bolšaść prosta vyłamali i vyvieźli na śmietnik. 

Pałac kultury «Chimvałakno» ŭ kancy 1980-ch. Na ścianie habielen «Moj rodny kraj». Fota: telehram-kanał «Spadčyna»
U abnoŭlenych interjerach Pałaca kultury Mahiloŭskaj vobłaści miesca savieckim habielenam nie znajšłosia. Fota: Huhł Karty

Nieviadoma i što stała ź vialikim habielenam «Moj rodny kraj» Słavy Sakałova i Zoi Litvinavaj, zasłužanaj mastački Biełarusi, jaki ŭpryhožvaŭ faje pałaca. Siońnia ŭsie interjery budynka zrobleny ŭ styli «doraha-bahata», a habieleny, napeŭna, pylacca ŭ kładoŭkach.

Kamientary1

  • Maksim
    22.05.2024
    Tak rychtavalisia pryniać dvuch dyktataraŭ, što pavyniščali ŭsio ŭ pałacy. 

Ciapier čytajuć

«Vitajem, KDB Bresckaj vobłaści». Prahramist raskazaŭ, jak z kryminałkaj viartaŭsia ŭ Biełaruś

«Vitajem, KDB Bresckaj vobłaści». Prahramist raskazaŭ, jak z kryminałkaj viartaŭsia ŭ Biełaruś

Usie naviny →
Usie naviny

«U razmovach z Trampam Pucin nasamreč kpiŭ ź jaho, ale Tramp hetaha nie razumieŭ z-za asablivaściej pierakładu»13

Čarhovy antyrekord. Źjaviłasia śviežaja statystyka pra naradžalnaść biełarusaŭ24

Jakim budzie novy histaryčny muziej Biełarusi3

«Erudziravany nie značyć razumny». Znatok «Što? Dzie? Kali» Raŭšan Askieraŭ vyklikaŭ zamiašańnie svaim intervju17

Što adbyłosia z 16-hadovaj dziaŭčynaj ź Dziaržynska, jakaja pamierła paśla kureńnia vejpu? Raskazvajuć jaje siabry7

Dalar siońnia śpikiravaŭ adrazu na šeść kapiejek3

Karpiankoŭ raskazaŭ, jak uzmacnili achovu kałonij — «źbiehčy praktyčna niemahčyma»9

Eks-adnakłubnik biełarusa z Makiedonii zahinuŭ, kali ratavaŭ ludziej z pažaru načnoha kłuba, dzie zahinuli 59 čałaviek

Što ŭkazvaje na vysokuju ryzyku suicydu ŭ čałavieka, jaki pra heta kaža? Adkazvaje psichijatr4

bolš čytanych navin
bolš łajkanych navin

«Vitajem, KDB Bresckaj vobłaści». Prahramist raskazaŭ, jak z kryminałkaj viartaŭsia ŭ Biełaruś

«Vitajem, KDB Bresckaj vobłaści». Prahramist raskazaŭ, jak z kryminałkaj viartaŭsia ŭ Biełaruś

Hałoŭnaje
Usie naviny →

Zaŭvaha:

 

 

 

 

Zakryć Paviedamić