U Ivana-Frankoŭsku padpałkoŭnik z TCK mabilizavaŭ rasijanina — jaho aštrafavali
Rabotnik terytaryjalnaha centra kamplektavańnia viedaŭ, što ŭ mužčyny niama ŭkrainskaha hramadzianstva, ale ŭsio roŭna pasprabavaŭ adpravić jaho ŭ vajskovuju častku.
U Ivana-Frankoŭskaj vobłaści rabotnik TCK — heta orhan, jaki zajmajecca voinskim ulikam i mabilizacyjaj — sprabavaŭ adpravić na vajnu hramadzianina Rasii.
6 lutaha 2025 hoda časova v.a. načalnika adnaho z TCK nakiravaŭ rasijanina, u jakoha niama ŭkrainskaha hramadzianstva, na vajenna-lačebnuju kamisiju, a zatym pastaviŭ mužčynu na vajenny ŭlik i ŭklučyŭ u śpis mabilizavanych na adpraŭku ŭ vajskovuju častku, piša Zaxid Net.
U materyjałach spravy ŭkazana, što padpałkoŭnik pravieryŭ dakumienty mužčyny i viedaŭ, što toj źjaŭlajecca zamiežnikam i nie padlahaje mabilizacyi. Adnak supracoŭnik TCK usio roŭna vyrašyŭ mabilizavać hramadzianina Rasii.
Niaviesta rasijanina padała zajavu ŭ prakuraturu. Na rabotnika TCK skłali administracyjny pratakoł za pieravyšeńnie słužbovych paŭnamoctvaŭ. Na sud padpałkoŭnik nie pryjšoŭ, ale dasłaŭ zajavu ab pryznańni viny.
Sud pryznaŭ čynoŭnika TCK vinavatym u pieravyšeńni paŭnamoctvaŭ i nakłaŭ na jaho štraf u pamiery 17 tysiač hryŭniaŭ (410 dalaraŭ).
Kamientary
Cie pieriehib na miestach, na samoji spravi ursr v žodnomu razi nie radianśka riespublika płoť vid płoti z rsfsr i bssr