У Івана-Франкоўску падпалкоўнік з ТЦК мабілізаваў расіяніна — яго аштрафавалі
Работнік тэрытарыяльнага цэнтра камплектавання ведаў, што ў мужчыны няма ўкраінскага грамадзянства, але ўсё роўна паспрабаваў адправіць яго ў вайсковую частку.
У Івана-Франкоўскай вобласці работнік ТЦК — гэта орган, які займаецца воінскім улікам і мабілізацыяй — спрабаваў адправіць на вайну грамадзяніна Расіі.
6 лютага 2025 года часова в.а. начальніка аднаго з ТЦК накіраваў расіяніна, у якога няма ўкраінскага грамадзянства, на ваенна-лячэбную камісію, а затым паставіў мужчыну на ваенны ўлік і ўключыў у спіс мабілізаваных на адпраўку ў вайсковую частку, піша Zaxid Net.
У матэрыялах справы ўказана, што падпалкоўнік праверыў дакументы мужчыны і ведаў, што той з'яўляецца замежнікам і не падлягае мабілізацыі. Аднак супрацоўнік ТЦК усё роўна вырашыў мабілізаваць грамадзяніна Расіі.
Нявеста расіяніна падала заяву ў пракуратуру. На работніка ТЦК склалі адміністрацыйны пратакол за перавышэнне службовых паўнамоцтваў. На суд падпалкоўнік не прыйшоў, але даслаў заяву аб прызнанні віны.
Суд прызнаў чыноўніка ТЦК вінаватым у перавышэнні паўнамоцтваў і наклаў на яго штраф у памеры 17 тысяч грыўняў (410 даляраў).
Каментары
Це перегиб на местах, на самої справі урср в жодному разі не радянська республика плоть від плоти з рсфср і бсср