Грамадства

Кіраўнік Памежнага камітэта: Мы ніколі не думалі, што Украіна будзе сябе так паводзіць

Бяспека дзяржаўных межаў Беларусі будзе гарантаваная любым спосабам, сілы і сродкі для гэтага маюцца. Аб гэтым заявіў журналістам старшыня Дзяржаўнага пагранічнага камітэта Анатоль Лапо пасля абмеркавання ў Лукашэнкі, піша БелТА.

Фота: БелТА

Кіраўнік ДПК звярнуў увагу на тое, што мінулы год быў для памежнікаў асаблівы, напружаны. «Ніколі на нашых межах не было такой канцэнтрацыі войскаў сумежных дзяржаў», — растлумачыў ён.

Напрыклад, на польскім напрамку непасрэдна ля беларускіх межаў знаходзяцца 15 тысяч чалавек — прадстаўнікоў сілавога блока. Гэта значыць, «на кожныя 200 м прыходзіцца па 7-8 чалавек». «Навошта гэта? Напружанасць і разнастайныя правакацыі. Абстрэл нашых памежных слупоў, знішчэнне на польскім кірунку шчыткоў».

Напружанай застаецца абстаноўка і на паўднёвым кірунку. «Мы ніколі не думалі, што наша паўднёвая суседка будзе сябе так паводзіць», — выказаўся кіраўнік ДПК пра Украіну і згадаў у якасці прыкладу недружалюбныя паводзіны на вучэнні «Палессе».

Цяпер, выкарыстоўваючы як падставу планы па правядзенні сумесных беларуска-расійскіх вучэнняў «Саюзная рашучасць», украінскі бок нагнятае істэрыю, адзначыў Анатоль Лапо.

«Прыцягваюцца дадатковыя сілы і сродкі для аховы мяжы, хоць цяпер памежнікаў Беларусі і Украіны для нармальнай аховы мяжы дастаткова пры ўзаемавыгадным супрацоўніцтве, — сказаў ён. — Але да іх [ва Украіну] прыйшлі зусім іншыя гаспадары, інструктары, якія паставілі зусім іншыя задачы. Абстаноўка мяняецца».

«Вы выдатна ведаеце, што кожны прымежны канфлікт пачынаецца з дробязяў. Сёння Лукашэнку было даложана аб недапушчэнні перарастання гэтых дробязяў у поўнамаштабны канфлікт, хоць сумежны бок нас на гэта штурхае. Але мы, памежнікі, адэкватныя людзі, як і ўсе беларусы. Мы заўсёды ацэньвалі, ацэньваем і будзем ацэньваць абстаноўку. Але адразу скажу ўсім і ўся, што бяспека нашых дзяржаўных межаў будзе забяспечаная любым спосабам, сілы і сродкі ў нас для гэтага ёсць», — падкрэсліў старшыня Дзяржпамежкамітэта.

Паводле яго слоў, у гэтым годзе асноўныя намаганні ў ахове і абсталяванні дзяржаўнай мяжы будуць сканцэнтраваныя на ўкраінскім кірунку і на тых напрамках, дзе будуць выяўленыя выклікі і пагрозы бяспекі. Пры гэтым аб перакідцы сіл і сродкаў гаворкі не вядзецца. «Будзе ўзмацненне за кошт рэзерваў, — растлумачыў Анатоль Лапо, удакладніўшы, што за кошт з'яўлення новай сучаснай тэхнікі вызваляюцца людскія рэсурсы. — Будзе манеўр. Нідзе паслаблення не будзе».

Лукашэнка расказаў, што ЗША папярэдзілі Мінск пра тое, якім будзе адказ у выпадку нарошчвання расійскай прысутнасці ў Беларусі

Лукашэнка адказаў Пазняку наконт акупацыі Беларусі

Каментары

Цяпер чытаюць

Знайшоўся гурт, які плануе сабраць «Мінск-Арэну» чатыры разы запар. І ўжо амаль зрабіў гэта14

Знайшоўся гурт, які плануе сабраць «Мінск-Арэну» чатыры разы запар. І ўжо амаль зрабіў гэта

Усе навіны →
Усе навіны

Трамп прызнаўся, што спрэчка з Зяленскім у Белым доме была часткай ціску на Украіну12

Настаўніца расказала, як педагогі вымушаны справаздачыцца за паездкі за мяжу6

Ізраіль аднавіў удары па аб'ектах ХАМАС у сектары Газа2

Трамп заявіў, што «многія элементы» мірнага пагаднення ўжо ўзгодненыя3

Лойка: Калаўр мог спрачацца і адвакатаваць такія рэчы, пра якія ніхто іншы заікнуцца не мог7

Распавядаем, што за новую зброю ўжылі ў Сербіі для разгону пратэстаў. Яна ўжо ёсць у Расіі7

Тэлетрансляцыя са стадыёна ў Мінску, які ў 2021 годзе адкрываў Лукашэнка, «небяспечная для здароўя аператараў»1

Венгрыя пагадзілася працягнуць санкцыі супраць Расіі пасля званка Рубіа3

Палітзняволеная Антаніна Канавалава расказала, што ёй прапаноўваў ГУБАЗіК пасля яе вызвалення3

больш чытаных навін
больш лайканых навін

Знайшоўся гурт, які плануе сабраць «Мінск-Арэну» чатыры разы запар. І ўжо амаль зрабіў гэта14

Знайшоўся гурт, які плануе сабраць «Мінск-Арэну» чатыры разы запар. І ўжо амаль зрабіў гэта

Галоўнае
Усе навіны →

Заўвага:

 

 

 

 

Закрыць Паведаміць