Грамадства11

Папулярны польскі банк увёў яшчэ адно абмежаванне для беларусаў

Польскі банк Santander спыніў выдачу іпатэчных крэдытаў беларусам без ДНЖ. Пра гэта паведамляюць рыэлтары, таксама гэтую інфармацыю пацвердзілі на інфалініі банка, куды журналіст Most патэлефанаваў як грамадзянін Беларусі, зацікаўлены ў атрыманні крэдыту на жыллё.

 Фота: Santander Bank Polska

Па новых правілах, каб атрымаць крэдыт у банку, грамадзянін Беларусі павінен валодаць картай побыту, якая будзе сапраўдная не менш як 12 месяцаў з моманту падачы дакументаў. Напрыклад, пры падачы заявы на крэдыт 6 чэрвеня 2024 года тэрмін дзеяння карты побыту павінен заканчвацца не раней за 6 чэрвеня 2025 года, растлумачылі ў банку. 

Рыэлтар Дзяніс Яроменка ў тыктоку прывёў яшчэ адну катэгорыю асоб, у якіх магу ўзнікнуць праблемы з атрыманнем іпатэчнага крэдыту ў Santander, — гэта грамадзяне Беларусі, якія нарадзіліся ў Расіі. 

Патрабаванне ДНЖ для атрымання іпатэкі зʼяўляецца ўніверсальным практычна ва ўсіх польскіх банках, да гэтага часу Santander зʼяўляўся выключэннем. Раней банк задавальняў заяўкі беларусаў, якія знаходзіліся ў Польшчы па візе ці па «штампе ў пашпарце» — гэта значыць, калі тэрмін дзеяння візы ці іншага дакумента, які легалізуе знаходжанне ў Польшчы, скончыўся, але грамадзянін Беларусі паспеў падаць заяву на ДНЖ у Польшчы і чакаў рашэння. 

Дзяніс Яроменка рэкамендаваў беларусам перад падачай дакументаў на іпатэчны крэдыт паспрабаваць адкрыць валютны рахунак у любым банку. Ён растлумачыў гэта тым, што працэс адкрыцця рахунку ўключае праверку з боку ўнутранай бяспекі банка. Таму калі рахунак будзе адкрыты, то і шанцы на адабрэнне іпатэчнага крэдыту значна ўзрастаюць. 

Якія яшчэ абмежаванні ўвёў банк

Карту побыту, сапраўдную на 12 месяцаў наперад, банк цяпер патрабуе ў грамадзян Беларусі і пры адкрыцці рахункаў. А многім беларусам, якія адкрылі рахункі па старых правілах, не маючы карты побыту, банк заблакаваў доступ да інтэрнэт-банкінгу і мабільнага дадатку. Таксама шмат у каго не праходзілі плацяжы праз BLIK. 

Тым, хто патрапіў пад блакіроўку, але падаў у банк ДНЖ, доступ вярнулі. А тым, хто так і не атрымаў дакумент, даводзіцца асабіста ў аддзяленні банка выконваць аперацыі, якія раней былі даступны ў інтэрнет-банкінгу. Аперацыі па картах, у тым ліку пры пры дапамозе Apple Pay, Google Pay ці Samsung Pay, ім па-ранейшаму даступныя.

Каментары1

  • St.Ander
    06.06.2024
    З якога гэта часу Santander ёсць папулярны польскі банк?
    Santander – банк шпанскі!
    А папулярны ён па ўсім свеце!

Цяпер чытаюць

Пайшоў з жыцця 32-гадовы Максім Чарняўскі — заснавальнік суполкі «Надакучыў нам гэты Лукашэнка» пачатку 2010-х22

Пайшоў з жыцця 32-гадовы Максім Чарняўскі — заснавальнік суполкі «Надакучыў нам гэты Лукашэнка» пачатку 2010-х

Усе навіны →
Усе навіны

Даляр упаў на тры капейкі

Расійскія сімкі шмат каго з беларусаў заблакуюць, а аўтобусы ў Піцер застануцца без Wi-Fi16

Саакашвілі прыгаварылі яшчэ да чатырох з паловай гадоў турмы3

Расія патрабуе «жалезабетонных гарантый» неўступлення Украіны ў НАТА9

Рэлаканты ў Літве заплацяць двойчы? Разбіраемся, як жыць без пагаднення аб падатках8

На адным з мінскіх пляжаў з’явяцца подыумы для загару

На Даўгінаўскім тракце перакуліўся аўтамабіль. Людзі самі вылезлі з яго

Дзяржсакратар ЗША расказаў пра два планы вырашэння канфлікту ва Украіне10

У Беларусь прыляцелі першыя буслы2

больш чытаных навін
больш лайканых навін

Пайшоў з жыцця 32-гадовы Максім Чарняўскі — заснавальнік суполкі «Надакучыў нам гэты Лукашэнка» пачатку 2010-х22

Пайшоў з жыцця 32-гадовы Максім Чарняўскі — заснавальнік суполкі «Надакучыў нам гэты Лукашэнка» пачатку 2010-х

Галоўнае
Усе навіны →

Заўвага:

 

 

 

 

Закрыць Паведаміць