Свет

Трамп вылучыў Марка Рубіа на пасаду дзяржсакратара

Рубіа ў нядаўніх інтэрв'ю заявіў, што Кіеў павінен шукаць магчымасці для ўрэгулявання канфлікту шляхам перамоў з Расіяй

Дональд Трамп і Марк Рубіа. Фота: Evan Vucci / AP

Абраны прэзідэнт Дональд Трамп заявіў у сераду пра вылучэнне сенатара-рэспубліканца Марка Рубіа, старэйшага члена Камітэтаў па міжнародных справах і разведцы, на пасаду дзяржаўнага сакратара, піша Голас Амерыкі.

«Ён будзе моцным абаронцам нашай краіны, сапраўдным сябрам нашых саюзнікаў і бясстрашным воінам, які ніколі не адступіць перад нашымі ворагамі», — гаворыцца ў заяве Трампа.

Той факт, што Трамп намінаваў Рубіа на пасаду кіраўніка Дзяржаўнага дэпартамента, можа змякчыць занепакоенасць саюзнікаў ЗША адносна таго, што адміністрацыя Трампа можа аслабіць сваю ролю ў глабальных альянсах, уключаючы NATO, улічваючы яго больш ізаляцыянісцкі падыход да міжнароднай палітыкі.

Рубіа вядомы як прыхільнік жорсткай лініі ў адносінах да Кітая, адкрыты крытык камуністычнага ўрада Кубы і актыўны прыхільнік Ізраіля. Раней ён выступаў за больш рашучую знешнюю палітыку ЗША ў адносінах да геапалітычных праціўнікаў Амерыкі, хоць апошнім часам яго погляды ўсё больш супадаюць з падыходам Трампа «Амерыка перад усім».

У красавіку ён быў адным з 15 рэспубліканскіх сенатараў, якія прагаласавалі супраць буйной праграмы ваеннай дапамогі, якая павінна была дапамагчы Украіне супрацьстаяць Расіі і падтрымаць іншых партнёраў ЗША, уключаючы Ізраіль. Трамп крытыкаваў працяглую ваенную дапамогу Украіне, якую аказваў дзейны прэзідэнт-дэмакрат Джо Байдэн, у яе барацьбе з расійскімі захопнікамі.

Рубіа ў нядаўніх інтэрв'ю заявіў, што Кіеў павінен шукаць магчымасці для ўрэгулявання канфлікту шляхам перамоў з Расіяй, а не засяроджвацца на вяртанні ўсіх тэрыторый, захопленых Масквой за апошняе дзесяцігоддзе.

Што тычыцца вайны ў Газе, як і Трамп, Рубіа катэгарычна падтрымлівае Ізраіль, называючы ХАМАС тэрарыстычнай арганізацыяй, якую неабходна знішчыць, і заяўляючы, што роля Амерыкі заключаецца ў забеспячэнні Ізраіля ваеннымі матэрыяламі, неабходнымі для дасягнення ваенных мэт.

Акрамя таго, Трамп сёння абвясціў пра яшчэ два важныя намінацыі. Былая кангрэсменка, падпалкоўнік Тулсі Габард, зойме пасаду дырэктара Нацыянальнай разведкі (DNI).

Каментары

Цяпер чытаюць

Лукашэнка абмеркаваў з Рыжанковым «крокі па аднаўленні даверу з заходнімі краінамі»15

Лукашэнка абмеркаваў з Рыжанковым «крокі па аднаўленні даверу з заходнімі краінамі»

Усе навіны →
Усе навіны

Магілёўскі кандуктар забаўляе пасажыраў песнямі ВІДЭА

Абельская: Выклік брыгады хуткай дапамогі дорага каштуе34

Як ахоўваюць Пуціна — новае расследаванне6

Павел Латушка стварае свой фонд. Што гэта за арганізацыя?27

У расійскай МТС расказалі, за колькі купілі беларускі Eleven2

Новая прапанова ад літоўскіх кансерватараў можа выгнаць з Літвы беларускіх айцішнікаў26

У злітай размове сілавікі расказалі, як шукаюць людзей па базе з SIM-картамі5

Брэнд таксі Maxim патлумачыў, што значыць выключэнне ягонага дыспетчара з рэестра

У Мінску 500 павільёнаў на прыпынках грамадскага транспарту памяняюць на новыя3

больш чытаных навін
больш лайканых навін

Лукашэнка абмеркаваў з Рыжанковым «крокі па аднаўленні даверу з заходнімі краінамі»15

Лукашэнка абмеркаваў з Рыжанковым «крокі па аднаўленні даверу з заходнімі краінамі»

Галоўнае
Усе навіны →

Заўвага:

 

 

 

 

Закрыць Паведаміць