Jak vyhladaje samaje darahoje lecišča ŭ Biełarusi? Jano kaštuje amal miljon dalaraŭ
Padobna na toje, što my znajšli samaje darahoje lecišča Biełarusi — pad Minskam na prodaž vystavili dom za 990 tysiač dalaraŭ. Vidać, heta samaje darahoje lecišča ŭ Biełarusi. Realt.by pakazvaje, jak jano vyhladaje zvonku i ŭnutry.
Ź leciščami hety dom źviazvaje tolki toje, što jon znachodzicca na terytoryi sadovaha tavarystva. Ale ST «Maja ŭciecha» — heta, chutčej, sučasny katedžny pasiołak: jon hazifikavany, učastki vialikija, vulicy šyrokija. Zabudova kardynalna adroźnivajecca ad kłasičnaj dačnaj — spres sučasnyja damy. Da Minska rukoj padać — usiaho 14 kiłamietraŭ u hrodzienskim kirunku. Pobač les, vadajom, centr konnaha sportu ŭ Ratamcy.
Mienavita tut pradajecca sučasny zaharadny dom, pabudavany pa indyvidualnym prajekcie. Jon davoli novy — pabudavany ŭ 2018 hodzie. Katedž adnapaviarchovy, z žyłoj mansardaj, ahulnaja płošča — 381 m².
Fasad doma z klinkiernaj plitki ručnoj farmoŭki, na dachu — modulnaja čarapica.
Unutry stylny interjer pa dyzajn-prajekcie z vykarystańniem jakasnych materyjałaŭ.
Dom całkam hatovy da pražyvańnia: majecca ŭsia nieabchodnaja mebla, ubudavanaja technika i santechnika premium-kłasa.
Płaniroŭka pradumanaja i zručnaja. Na pieršym paviersie znachodziacca prastornaja kuchnia-haścioŭnia sa stałovaj zonaj, try spalni, harderobnaja z ubudavanymi sistemami zachoŭvańnia, kabiniet i dva sanvuzły. Z haścinaj jość vychad na terasu z zonaj barbiekiu.
Na mansardzie znachodziacca pakoj adpačynku i pakoj dla hulniaŭ.
Aciaplajecca dom hazavym katłom Buderus i sistemaj ciopłych padłoh. Pamiaškańni abstalavanyja sistemaj kandycyjanavańnia. Vada — z ułasnaj artezijanskaj śvidraviny. Uładalniki karystajucca vysakachutkasnym internetam (optavałakno), jość sistema videanazirańnia.
Na niepradbačanyja vypadki praduhledžana krynica bieśpierabojnaha avaryjnaha siłkavańnia na 6kVt — dla aśviatleńnia, achoŭnaj sistemy i internetu.
Učastak zusim nie dačny — 20 sotak ziamli z łandšaftnym dyzajnam, aŭtamatyčnym palivam hazona. Terytoryja abharodžanaja, pry ŭjeździe aŭtamatyčnyja varoty. Taksama jość krytaja parkoŭka dla aŭto z razietkami 380 volt dla zaradki elektramabilaŭ, haraž. Terasa, hanak i darožki vykładzienyja hranitam.
Ciapier čytajuć
Stała viadoma pra śmierć 41-hadovaha byłoha palitviaźnia z Hrodna Alaksieja Aŭsiukieviča1
Kamientary