Što viadoma pra strałka, jaki zabiŭ nie mienš za 15 čałaviek u Prazie
Stralaninu ŭ Prazie, u vyniku jakoj zahinuli ŭžo jak minimum 15 čałaviek, a 24 paranienyja, zładziŭ 24-hadovy student fiłasofskaha fakulteta David Kozak, paviedamiła češskaje vydańnie Novinky.cz. Pierad hetym palicyja abjaviła jaho ŭ vyšuk.
Kozak skončyŭ univiersitet sa stupieńniu bakałaŭra pa historyi i jeŭrapiejskich daśledavańniach, a zatym atrymaŭ stupień mahistra pa historyi. Jon zajmaŭsia historyjaj Polščy.
U čaćvier dniom palicyja abviaściła ŭ vyšuk Davida Kozaka, bo jaho źviazvajuć sa spravaj ab hvałtoŭnaj śmierci ŭ vioscy ŭ Kładnienskim rajonie. Nieŭzabavie paśla 12-j hadziny palicyja atrymała infarmacyju pra toje, što 24-hadovy mužčyna ź vioski Hostuń źbirajecca pajechać u Prahu, zajaviŭšy, što choča pakončyć z saboj. Paźniej baćka padazravanaha ŭ stralbie byŭ znojdzieny miortvym u vioscy.
U palicyi była infarmacyja, što David Kozak źbirajecca nibyta čytać lekcyju na vulicy Celetna. Jany evakujavali adtul ludziej, ale stralanina adbyłasia ŭ inšym budynku.
Pra matyvy stralaniny pakul ničoha nie viadoma. Kiraŭnik pražskaj palicyi Marcin Vondrašak zajaviŭ, što strałok byŭ natchniony incydentami, jakija adbylisia ŭ minułym za miažoj.
U telehramie, darečy, znajšoŭsia kanał David Kozak, u jakim u śniežni źjaŭlalisia zapisy čamuści na ruskaj movie ab płanach «zrabić skułšutynh i, mahčyma, suicyd». Ci źviazany jon ź mierkavanym češskim strałkom, pakul niezrazumieła. U adnym z dopisaŭ zhadvajecca pra rasijanku Alinu, jakaja 7 śniežnia ŭčyniła stralaninu z achviarami ŭ rasijskim Bransku.
Mužčyna nibyta ździejśniŭ samahubstva, ale palicyja taksama ŭžyła suprać jaho zbroju.
Ciapier čytajuć
Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»6
Kamientary