Na vajnie va Ukrainie zahinuŭ žychar Tatarstana, jakoha 27 hadoŭ tamu prysudzili da śmiarotnaha pakarańnia
Padčas uvarvańnia va Ukrainu zahinuŭ 60-hadovy Rasim Harypaŭ, asudžany ŭ 1998 hodzie da śmiarotnaha pakarańnia za zabojstva i našeńnie chałodnaj zbroi, vyjaviła «Miedyjazona». Pra hibiel Harypava paviedamiŭ kiraŭnik Jutazinskaha rajona Tatarstana, u jakim jon žyŭ.
Rasima Harypava pachavali 17 lutaha hetaha hoda, a zahinuŭ jon, pavodle źviestak čynoŭnika, jašče ŭ minułym žniŭni.
«Rasim Rašytavič — honar Rasii i Respubliki Tatarstan. Jahony podźvih nazaŭždy zastaniecca ŭ našaj pamiaci, stanie prykładam mužnaści i hieraizmu dla mnohich pakaleńniaŭ tatarstancaŭ», — napisaŭ kiraŭnik rajona.
«Miedyjazona» vyśvietliła, što ŭ 1998 hoda Viarchoŭny sud Tatarstana prysudziŭ Harypava da śmiarotnaha pakarańnia pa artykułach ab našeńni chałodnaj zbroi i zabojstvie dvuch abo bolš čałaviek. Paźniej jaho pamiłavali, źmianiŭšy śmiarotnaje pakarańnie na 25 hadoŭ kałonii.
U źniavoleńni Harypaŭ nieadnarazova sprabavaŭ damahčysia ŭmoŭna-daterminovaha vyzvaleńnia, ale jamu admaŭlali. Tolki ŭ 2017 hodzie nieadbytuju častku pakarańnia jamu zamianili na abmiežavańnie svabody.
Kamientary