Minsk uvajšoŭ u top-20 haradoŭ śvietu, najlepšych dla prahułak
U rejtynhu, składzienym vydańniem The Economist i vizualizavanym prajektam Visual Capitalist, Minsk zaniaŭ 16-je miesca.
U rejtynhu ŭličvaŭsia siaredni čas, jaki žychary traciać na darohu da važnych haradskich abjektaŭ, takich jak škoły, balnicy, kramy i restarany. Brałasia pad uvahu dola žycharoŭ, jakija žyvuć za 15 chvilin chady da ich.
Lidarami rejtynhu stali Miłan, Kapienhahien i Turyn. U pieršuju dziasiatku taksama ŭvajšli Dublin, Lijon, Miunchien, Paryž, Marsel, Hienuja i Edynburh.
Z haradoŭ susiednich ź Biełaruśsiu krain u top-20 trapiŭ tolki rasijski Sankt-Pieciarburh — jon na 13-m miescy.
Źviartaje na siabie ŭvahu, što z 50 samych zručnych dla prahułak haradoŭ śvietu 45 raźmieščany ŭ Jeŭropie, u takich krainach, jak Italija, Ispanija, Francyja, Narviehija, Hiermanija, Vialikabrytanija i inš. Heta źviazana ź ich histaryčnaj zabudovaj, jakaja farmavałasia zadoŭha da źjaŭleńnia aŭtamabilaŭ. Vuzkija vułki, blizkaść žyłych rajonaŭ da kram i hramadskich prastoraŭ robiać jeŭrapiejskija harady idealnymi dla piešych prahułak.
Harady ž Amieryki, sprajektavanyja zbolšaha ŭžo ŭ eru aŭtamabilaŭ, praktyčna adsutničajuć u rejtynhu. Kanadski Vankuvier z najvyšejšaj pazicyjaj u Paŭnočnaj Amierycy zaniaŭ tolki 53-je miesca.
Uvohule siarod niejeŭrapiejskich haradoŭ najlepšy vynik pakazaŭ japonski Kijota (28-je miesca). Taksama ŭ top-50 uvajšli tajvański Tajbej (35-je miesca), niepalski Katmandu (45-je miesca), tajvański Tajčžun (49-je miesca) i stalica Japonii Tokia (50-je miesca).
Kamientary
Ja chaču z vami dumkaj svajoj padzialicca.
Karaciej, heta dziŭna, ale c'est la vie,
My ŭ stalicy žyviem niby na dźvie siamji.
My žyviem adnačasova ŭ dvuch haradach,
Padvajeńnie asoby zryvaje nam dach,
Dyk niaŭžo ž nam nikoli nia skleić, nia sšyć
Miensk i Minsk – dźvie pałovy staličnaj dušy.
Horad Miensk - pieršy horad z tych dvuch haradoŭ
Nie pabačyš na mapach sučasnych hadoŭ,
Jon u sercy žyvie, jon žyvie ŭ hałavie,
Šmat kaho, chto u horadzie Minsku žyvie,
A ŭ Minsku prapiska i harvykankam,
I Ladovy pałac, i betonny parkan,
Zrujnavanych damoŭ ścieny pryvidnyja,
I dziacinstva majho pralaciełyja dni
Jość u Minsku nazovy biazradasnyja,
Jość Kalektarnaja, a jość Bazisnaja
Tam narod zabiaśpiečvaje, pravilny naš,
Vykanańnie zadačy pastaŭlenaje.
A pa Miensku pryjemna špacyravać,
Drobnych kramak vitryny ŭtulna harać,
Tam hatyčnyja viežy kaściołaŭ starych,
I dachoŭka i bruk, tam dvary i mury.
Usio błytajecca ŭ Minsku: chleb i maca,
I Vialiki Kastryčnik, i Radaŭnica,
I pjanaja ślaza, i takaja papsa,
Što ratunku nia daść ni “Mizim”, ni “Upsa” .
Nu a ź Mienskam ničoha nia možna zrabić, Niemahčyma jaho zrujnavać, zachapić,
Jon nikoli, tvoj Miensk, nie źhnije, nie zharyć,
Budzie movaj tvajoju z taboj havaryć.
My žyviem adnačasova ŭ dvuch haradach,
My žyviem adnačasova ŭ dvuch haradach...