Padrabiaznaści pryzyvu vajskovaabaviazanych na pravierku bojehatoŭnaści Uzbrojenych Sił paviedamiŭ 12 sakavika načalnik mabilizacyjnaha kirunku vajskovaha kamisaryjata Minska Ihar Dymovič.
Pavodle słoŭ vajskovaha čynoŭnika, vajskovaabaviazanyja «prybyvali pa poźvie ŭ vajskovy kamisaryjat, dzie ŭ ich udakładnialisia ŭlikovyja danyja, abstaviny, jakija pieraškadžajuć pryzyvu na vajskovyja zbory».
«U vypadku vyjaŭleńnia takich abstavin zhodna z zakanadaŭstvam […] prymałasia rašeńnie ab vyzvaleńni vajskovaabaviazanych ad prachodžańnia vajskovych zboraŭ, i jany mianialisia albo na reziervistaŭ, albo na vajskovabaviazanych sa składu reštkaŭ svabodnych resursaŭ», — skazaŭ vajenkam.
Jon nazvaŭ šerah pryčyn, pa jakich vajskovaabaviazanyja nie pryzyvajucca na vajskovyja zbory:
«Heta siamiejnyja abstaviny, u pryvatnaści, troje dziaciej da 18 hadoŭ. Mohuć być vyzvalenyja ad zboraŭ słužbovyja asoby, jakija zabiaśpiečvajuć paloty avijacyi, ruch čyhunačnaha transpartu, vykładčycki skład i tyja, chto zaniatyja na sielskahaspadarčych rabotach mienavita ŭ pieryjad pasiaŭnoj. Jość taksama šerah inšych abstavin pa rašeńni vajskovaha kamisara».
Pravierka bojehatoŭnaści armii pravodzicca ŭ Biełarusi z 3 lutaha. U ramkach hetaj kampanii z zapasu na zbory pryzvali kala 5 tysiač vajskovaabaviazanych, paviedamiŭ 5 sakavika načalnik Hienieralnaha štaba US — pieršy namieśnik ministra abarony Pavieł Muraviejka.
Ciapier čytajuć
Minčuk aburyŭsia kantynhientam u staličnym mietro: Usie z novymi ajfonami, ale nie mohuć dazvolić sabie tannuju mašynu ci pajezdki na taksi?20
Kamientary