Mižnarodny kamitet «Čyrvonaha Kryža» damohsia pasłableńnia ŭmoŭ utrymańnia dla rasijskich pałonnych i zabiaśpiečyŭ šerah palapšeńniaŭ u ich utrymańni. Pra heta raskazała viadučaja jutub-prajekta «Cie nichto nie budie divitiś» Ema Antaniuk, jakaja naviedała łahier pałonnych, piša sajt «Militarnij».
«Raniej było praviła: padčas pastrajeńnia pałonnyja pavinny hladzieć u ziamlu. Heta raspaŭsiudžany rehłamient režymnych ustanoŭ dla dyscypliny i padparadkavańnia źniavolenych. Dla rasijan hetuju normu skasavaŭ «Čyrvony Kryž»», — raskazvaje Antaniuk, apisvajučy realii ŭkrainskich łahieraŭ dla pałonnych.
Jana taksama raskazała, što hetaja rearhanizacyja pačała zabiaśpiečvać tamtejšych viaźniaŭ preziervatyvami «na vypadak, kali im zachočacca palubicca pamiž saboj».
Taksama kamitet «Čyrvonaha Kryža» prymaje skarhi pałonnych i dabivajecca palapšeńnia ich charčavańnia. Tak, u miascovym miedpunkcie paśla jaho ŭmiašańnia źjavilisia vitaminy.
Ciapier va Ukrainie isnuje try łahiery dla ŭtrymańnia rasijskich vajennapałonnych. Apošni ź ich, «Centr-3», byŭ adkryty ŭ mai minułaha hoda z-za pavieličeńnia kolkaści pałonnych.
U pres-słužbie dziaržaŭnaha prajekta «Chaču žyć» raskazali, što ŭ novym łahiery asabovy skład rasijskaj armii maje mahčymaść pracavać, zajmacca sportam i pravodzić volny čas, va ŭstanovie taksama abstalavany śpiecyjalnyja miescy dla hatavańnia ježy, adpačynku i znosin ź psichołahami. Na terytoryi łahiera jość i carkva, kudy mohuć chadzić pałonnyja.
Elitnyja paŭnočnakarejskija kamandas, uziatyja ŭ pałon pad Kurskam, dali pieršaje vialikaje intervju
Ukraina zabaraniła rasiejskim vajennapałonnym telefanavać svajakam
Amierykanskija žurnalisty pabyvali va ŭkrainskaj turmie, nabitaj maładymi rasijskimi pryzyŭnikami
«Vyklikaje asacyjacyi z nacysckimi łahierami śmierci». Ukraincy pakazali čałavieka paśla dvuch hadoŭ rasijskaha pałonu
Kamientary