Polskaje MZS pastrožyła padychody da vydačy humanitarnych viz biełarusam
U Polščy biełarusam stanie składaniej atrymać humanitarnuju vizu. Masavaja ich vydača skončanaja, piša Rzeczpospolita. MZS Polščy abmiežavała praviły.
Za apošnija čatyry hady humanitarnyja vizy atrymali bolš za 53,5 tysiačy biełarusaŭ. Letaś — usiaho paŭtary tysiačy.
Śpiecyjalnaja, pryznačanaja tolki dla biełarusaŭ, vizavaja palohka ŭ Polščy była ŭviedzienaja polskim uradam praź miesiac paśla falsifikavanych vybaraŭ u Biełarusi — u vieraśni 2020 hoda, i heta było adkazam na chvalu žorstkich represij u krainie.
Urad uvioŭ minimalnyja pracedury — zajaŭnik padavaŭ minimalnuju kolkaść dakumientaŭ, zajaŭki razhladalisia ŭ vielmi terminovym paradku. Vizy byli biaspłatnymi.
Ciapier vizavyja lhoty dla hramadzian Biełarusi pajšli ŭ minułaje, piša vydańnie.
Novaje kiraŭnictva MZS letaś praviało aŭdyt usich vizavych pracedur — złoŭžyvańni byli vyjaŭlenyja pry vydačy rabočych, studenckich, PBH (dla rełakacyi IT-śpiecyjalistaŭ), a taksama humanitarnych viz, pryznačanych dla biełarusaŭ. Ź minułaha hoda kolkaść vydačy polskich viz va ŭsich katehoryjach skaraciłasia.
Pradstaŭniki ministerstva patłumačyli, što heta było źviazana ŭ tym liku z «zališnie svabodnym padychodam da ich atrymańnia z boku hramadzian Biełarusi, jakija vykarystoŭvali humanitarnyja vizy ŭ inšych metach, u asnoŭnym dla padarožžaŭ pa šenhienskaj zonie, a taksama pieramiaščeńnia pamiž Biełaruśsiu i Polščaj».
Jašče adnym dovadam stała toje, što miechanizm humanitarnych viz vykarystoŭvajecca biełaruskimi śpiecsłužbami. U jakaści prykładu pryvodzicca historyja aktyvistki «Havary praŭdu» Darji Astapienki, asudžanaj za špijanaž u Polščy.
U ciapierašni čas «atrymańnie vizy pa humanitarnych pryčynach pavinna być źviazana z realnymi situacyjami, niepasredna źviazanymi z pahrozaj žyćciu abo zdaroŭju asoby, jakaja padaje zajavu, i jaho bližejšych svajakoŭ abo kryminalnaj adkaznaści za dziejańni, nakiravanyja suprać uładaŭ Biełarusi».
Kali ž hramadzianin Biełarusi zapytvaje takuju vizu ź inšaj krainy, to jahonaje chadajnictva pavinna być dadatkova abhruntavanym. Viza moža być zapytana adnarazova, paŭtorny zapyt mahčymy ŭ «vyklučnych situacyjach», jakija pieraškadžali pieramiaščeńniu ŭ Polšču na praciahu terminu dziejańnia vydadzienaj vizy.
Ciapier čytajuć
Łukašenka: U amierykancaŭ niama nijakaha płana, jany prosta zandujuć hlebu11
Kamientary