Свет66

Пяскоў патлумачыў, чаму Пуцін, які трымае ўсіх на каранціне перад сустрэчай з ім, абдымаўся з жыхарамі Дзербента

Пра тое, што прэзідэнт Расіі Уладзімір Пуцін з пачатку пандэміі трымае людзей перад асабістай сустрэчай з ім на каранціне, ёсць дзясяткі сведчанняў. Але ўчора Пуцін выйшаў да натоўпу, які з захапленнем яго сустрэў. З некаторымі жыхарамі Дзербента Пуцін нават абдымаўся. Дзмітрый Пяскоў патлумачыў РБК нечаканую перамену.

Уладзімір Пуцін абдымае незнаёмую дзяўчынку ў Дзербенце, якая папрасіла з ім сфатаграфавацца. Фота: Gavriil Grigorov, Sputnik, Kremlin Pool Photo via AР

У дачыненні да Уладзіміра Пуціна дзейнічае асобы рэжым эпідэміялагічнай бяспекі, але ён не змог адмовіць жыхарам Дзербента ў прывітанні, патлумачыў Дзмітрый Пяскоў.

«З аднаго боку, ёсць настойлівыя рэкамендацыі спецыялістаў, але з другога боку, ёсць цвёрдае рашэнне прэзідэнта, калі ён не мог адмовіць гэтым людзям у тым, каб не павітаць іх. Такое бывае», — сказаў Пяскоў. Паводле прэс-сакратара Пуціна, «літаральна ўвесь горад выйшаў сустракаць прэзідэнта».

Крэмль апублікаваў відэа, на якім кіраўнік Расіі падыходзіць да натоўпу жыхароў у Дзербенце. У натоўпе — захапленне.

З пачатку пандэміі кавіду Пуцін пазбягаў асабістых кантактаў. Журналістаў перад сустрэчай з прэзідэнтам РФ саджалі на каранцін, а на перамовах Пуціна з прэзідэнтам Францыі паставілі чатырохметровы стол.

Яшчэ два тыдні таму перад сустрэчай з Пуціным ваенных прапагандыстаў прымусілі тыдзень сядзець на каранціне. Пра гэта паведамілі самі ўдзельнікі сустрэчы: аўтарка тэлеграм-канала «Катруся» Кацярына Аграновіч і «ваенкар» Аляксандр Сладкоў, якія ўдзялі ўдзел у мерапрыемстве.

«Мне вельмі спадабаўся каранцін, бо можна было сем дзён сядзець і нікуды не хадзіць», — напісала Аграновіч.

На каранцін удзельнікаў сустрэч з Пуціным адпраўляюць з пачатку пандэміі каранавіруса ў 2020 годзе. Першапачаткова тэрмін ізаляцыі складаў два тыдні, але потым яго скарацілі да аднаго. Апроч знаходжання на каранціне, людзі павінны мець адмоўны ПЛР-тэст.

Павышаная ўвага Пуціна да свайго здароўя не аднойчы станавілася мемам і прадметам абмеркаванняў. Праз гэта ўзнікаюць версіі, што калі Пуцін з’яўляецца сярод простых людзей, то гэта робіць ягоны двайнік.

Іншае тлумачэнне яго нечаканым учынкам накшталт начной паездкі ў Марыупаль знайсці цяжка.

Каментары6

  • Рэальнасьць
    29.06.2023
    Пацалунак сьмерці.
  • Ната
    29.06.2023
    И это республика, потерявшая огромное число граждан в Украине? Зомбированные рабы. Правильно Золкин их так называет.
  • Янка
    29.06.2023
    Шос,сапраўдны Пу выглядае наўмат старэйшым, таксама ягоныя вушы істотна меншыя, чым у ФСОшнай Чэбурашкі з Дзярбента

Цяпер чытаюць

Знайшоўся гурт, які плануе сабраць «Мінск-Арэну» чатыры разы запар. І ўжо амаль зрабіў гэта4

Знайшоўся гурт, які плануе сабраць «Мінск-Арэну» чатыры разы запар. І ўжо амаль зрабіў гэта

Усе навіны →
Усе навіны

Лойка: Калаўр мог спрачацца і адвакатаваць такія рэчы, пра якія ніхто іншы заікнуцца не мог7

Распавядаем, што за новую зброю ўжылі ў Сербіі для разгону пратэстаў. Яна ўжо ёсць у Расіі7

Тэлетрансляцыя са стадыёна ў Мінску, які ў 2021 годзе адкрываў Лукашэнка, «небяспечная для здароўя аператараў»1

Венгрыя пагадзілася працягнуць санкцыі супраць Расіі пасля званка Рубіа3

Палітзняволеная Антаніна Канавалава расказала, што ёй прапаноўваў ГУБАЗіК пасля яе вызвалення3

Магілёўскі кандуктар забаўляе пасажыраў песнямі ВІДЭА1

Абельская: Выклік брыгады хуткай дапамогі дорага каштуе35

Як ахоўваюць Пуціна — новае расследаванне6

Павел Латушка стварае свой фонд. Што гэта за арганізацыя?27

больш чытаных навін
больш лайканых навін

Знайшоўся гурт, які плануе сабраць «Мінск-Арэну» чатыры разы запар. І ўжо амаль зрабіў гэта4

Знайшоўся гурт, які плануе сабраць «Мінск-Арэну» чатыры разы запар. І ўжо амаль зрабіў гэта

Галоўнае
Усе навіны →

Заўвага:

 

 

 

 

Закрыць Паведаміць