Свет66

Вайна ва Украіне прынесла вялізныя прыбыткі нафтагазаваму сектару ЗША

Вайна ва Украіне рэзка стымулявала вытворчасць нафты і газу ў ЗША, рынак якіх абрынуўся падчас пандэміі. Рост здабычы прынёс эканамічныя і замежнапалітычныя выгады. У той жа час ён хавае вялікія рызыкі.

Oil Industry вытворчасць нафты производство нефти
Злучаныя Штаты цяпер экспартуюць каля чатырох мільёнаў барэляў нафты на дзень, больш, чым любы сябра Арганізацыі краін-экспарцёраў нафты, за выключэннем Саудаўскай Аравіі. Фота: Anton Petrus / Getty Images

Як піша The New York Times, цяпер ЗША здабывае рэкордныя 13,2 мільёна барэляў на дзень, што больш, чым Расія і Саудаўская Аравія. З пачатку 2022 года паток нафты вырас прыкладна на 800 тысяч барэляў на дзень, і аналітыкі чакаюць, што да канца наступнага году галіна можа дадаць яшчэ 500 тысяч бараляў на дзень (калі цэны не ўпадуць ніжэй за 65 долараў за бараль). А праз пяць гадоў ЗША змогуць здабываць 15 мільёнаў барэляў на дзень.

Асноўным рухавіком такіх працэсаў стала запозненая рэакцыя на расійскае ўварванне ва Украіну ў лютым 2022 года, у выніку якога цана на нафту ўпершыню за дзесяцігоддзе перавысіла 100 долараў за бараль. Рост вытворчасці прывёў да зніжэння амаль на 40% цэнаў бензіну ўнутры краіны (з 3,5 да 1,8 долара).

Назіраецца і зніжэнне цаны на газ, здабыча якога таксама рэкордна вырасла. Гэта ў сваю чаргу прывяло да зніжэння цэнаў на электраэнергію, якая прадукуецца на газавых электрастанцыях краіны.

Злучаныя Штаты цяпер экспартуюць каля чатырох мільёнаў бараляў нафты на дзень, больш, чым любы сябра Арганізацыі краін-экспарцёраў нафты, за выключэннем Саудаўскай Аравіі.

У цэлым, краіна па-ранейшаму імпартуе больш чым экспартуе, паколькі ўнутраны попыт перавышае прапанову. Да таго ж шматлікім амерыканскім нафтаперапрацоўчым заводам лягчэй перапрацоўваць цяжэйшую нафту, якая здабываецца ў Канадзе і Лацінскай Амерыцы, чым больш лёгкую нафту з уласных сланцавых радовішчаў.

Рост здабычы нафты ўмацаваў пазіцыі ЗША ў адносінах з Расіяй, Венесуэлай, Іранам, пазбавіўшы неабходнасці разлічваць на Саудаўскую Аравію ў якасці партнёра па стабілізацыі сусветных цэнаў на нафту.

Рост паставак амерыканскай нафты і прыроднага газу дапамаглі перадухіліць крызісную сітуацыю на еўрапейскім рынку энергарэсурсаў мінулай зімою. Еўрапейскія краіны замянілі большую частку газу, які яны куплялі ў Расіі, газам з ЗША, Катара і іншых экспарцёраў.

Але павелічэнне здабычы нафты ў ЗША таксама хавае вялікія рызыкі. Рост прапановы і зніжэнне цэн могуць павялічыць попыт на выкапнёвае паліва і ў выніку — росту выкідаў парніковых газаў. Па меркаванні вучоных, цяпер свет далёкі ад дасягнення мэтаў, неабходных для таго, каб пазбегнуць катастрафічных наступстваў глабальнага пацяплення.

Насуперак перадвыбарным абяцанням забараніць здабычу энергарэсурсаў на федэральных землях і нягледзячы на пярэчанні эколагаў прэзідэнт Байдэн даў санкцыю на новыя буйныя праекты па здабычы нафты на Алясцы.

Яго адміністрацыя таксама выдала невялікую колькасць ліцэнзій на пашырэнне здабычы на прыбярэжным шэльфе Мексіканскага заліва. Адна з прычын такіх крокаў — заваяванне галасоў выбаршчыкаў за кошт зніжэння цэнаў на энерганосьбіты.

Акрамя гэтага аналітыкі папярэджваюць, што Саудаўская Аравія можа аказаць ціск на сваіх саюзнікаў па АПЕК+ павялічыць пастаўкі для рэзкага зніжэння цэн. Такі крок прымусіць амерыканскія кампаніі рэзка знізіць вытворчасць.

Чытайце яшчэ:

Кыргызстан пад ціскам ЗША абмяжоўвае транзіт санкцыйных тавараў у Расію

Ціханоўская ляціць у ЗША

Саудаўская Аравія спрабуе пераарыентавацца з ЗША на Кітай і Расію 

Каментары6

  • Сэм
    03.12.2023
    ром, а как ты хотел, еще одна развязанная расейей война и в лаптях будешь сидеть...
  • Эннот
    03.12.2023
    Бенефициары войны очевидны по экономическиммпоказателям.
    Если сюда добавить рост американского ВПК,
    то станет окончательно понятно кто и для чего затеял эту и другие войны .
  • Федзя
    03.12.2023
    Эннот, т.е. путин и лукашенко развязавшие эту войну, выполняют задание госдепа?))) Не ну а чо, вполне

Цяпер чытаюць

Тры порцыі марожанага і пераапранутая бабуля ў лесе — як затрымлівалі забойцу з праспекта Ракасоўскага і яго бацькоў2

Тры порцыі марожанага і пераапранутая бабуля ў лесе — як затрымлівалі забойцу з праспекта Ракасоўскага і яго бацькоў

Усе навіны →
Усе навіны

Жыхары дамоў па вуліцы Сямёнава ў Мінску часова адстаялі сваё жыллё2

Беларусы напісалі ў Канстытуцыйны суд больш за 113 скаргаў. Міклашэвіч: Прыдатныя толькі 5% з іх

Праблемы з візамі на канцэрт Каржа ў Варшаве — беларусы атрымліваюць адмовы па незразумелых прычынах14

Трамп патлумачыў кіраўніку НАТА, чаму ЗША патрэбная Грэнландыя10

Беларуска наракае, што сем гадоў не можа знайсці пастаянную працу. А ў эміграцыі стала яшчэ складаней34

«Няскоранае пакаленне». Выйшла кніга аб рэпрэсаваных студэнтах4

Чыноўніца Гомельскага аблвыканкама ў размове з блогерам прызналася ў палітычных чыстках2

«А мяне за што?» І купцы са Смаленска, якія нахабна збіваюць кошт дзедавай хаты — страшная кніга пра наступствы5

«Культура і мастацтва» правяла на пенсію галоўную рэдактарку. Ні слова па-беларуску17

больш чытаных навін
больш лайканых навін

Тры порцыі марожанага і пераапранутая бабуля ў лесе — як затрымлівалі забойцу з праспекта Ракасоўскага і яго бацькоў2

Тры порцыі марожанага і пераапранутая бабуля ў лесе — як затрымлівалі забойцу з праспекта Ракасоўскага і яго бацькоў

Галоўнае
Усе навіны →

Заўвага:

 

 

 

 

Закрыць Паведаміць