Prosta draić pryhar — ciažka i doŭha, ale isnujuć łajfchaki, jakija dapamohuć vam dać rady za paru chvilin.
Čyścić kuchonnuju techniku — nie nadta pryjemny abaviazak, ale jość mietad, dziakujučy jakomu pryhareły tłušč zdymajecca biez nastojlivaha šaravańnia.
Kab dać rady brudu, vam spatrebiacca tabletki dla pasudamyjki.
Pierš za ŭsio dastańcie z duchoŭki luby posud, jak heta zvyčajna i robicca padčas myćcia. Potym zalicie tabletku haračaj vadoj (ale nie kipniem), pieramiašajcie, kab tabletka rastvaryłasia.
Nadzieńcie palčatki, namačycie ŭ rastvory papiarovyja ručniki i raskładzicie ich pa ŭsioj pavierchni duchoŭki. Dziakujučy hetamu, vam budzie našmat lahčej prybrać brud. Praz 15 chvilin źbiarycie papieru i vymyjcie duchoŭku, a ŭ kancy pratrycie kožny elemient duchoŭki suchoj anučaj.
Možna zrabić inakš. Kali vy dastali z duchoŭki ŭvieś posud, nahrejcie jaje da 100 hradusaŭ i ŭklučycie funkcyju kanviekcyi. Vaźmicie haračatryvały posud, napałovu napoŭnicie jaho vadoj i pakładzicie ŭ vadu tabletku dla pasudamyjki. Kali duchoŭka nahrejecca, pastaŭcie tudy posud i začynicie dźviercy: razam z myjučym srodkam para budzie raspaŭsiudžvacca pa duchoŭcy i raźmiakčać brud i tłušč. Praź dźvie hadziny vyklučycie duchoŭku, dajcie joj astyć i źbiarycie reštki brudu vilhotnaj anučaj.
Jak prahnać pavukoŭ? Kali vy prymienicie hetyja chitryki, pavuki źbiahuć z vašaha domu
Hałavałomka dla chutkich: kolki času vam spatrebicca, kab znajści kata?
Voś 7 prostych łajfchakaŭ, dziakujučy jakim vaša santechnika budzie bliščeć kožny dzień
-
«Heta nie majo, heta siabra». Biełarus zdymaje reakcyju achoŭnikaŭ mietro na fałaimitatary ŭ zaplečniku — videa źbirajuć miljony prahladaŭ
-
Siem typaŭ «pjanaj asoby»: kim vy stanoviciesia pad uździejańniem ałkaholu i što heta aznačaje?
-
U San-Francyska žyvie kot, jakoha zavuć Biełaruś. Prytym haspadynia jaho — zvyčajnaja amierykanka
Ciapier čytajuć
Łukašenka: U amierykancaŭ niama nijakaha płana, jany prosta zandujuć hlebu13
Kamientary