«U tych, chto byŭ u Minsku ŭ 2020-m, zusim inšaje mierkavańnie». Siastra Kaleśnikavaj adkazała Paźniaku
Lidar ruchu «Volnaja Biełaruś» Zianon Paźniak niekalki razoŭ rezka vykazvaŭsia pra Maryju Kaleśnikavu, jakaja ciapier za kratami. Palityk nazyvaŭ jaje «palityčnym ništo».
U novym vypusku TOKu suzasnavalnica Asacyjacyi svajakoŭ i byłych palitźniavolenych, siastra Maryi Kaleśnikavaj Taćciana Chomič zaŭvažyła, što chacieła b, kab na kamientary ŭ bok palitviaźniaŭ jany sami mahli adkazać.
«Nie toje, kab takich kamientaryjaŭ nie było, ale ja nie liču heta pravilnym, uvohule, kab takoje hučała. Ale jon [Paźniak] chiba moža sabie dazvolić», — skazała Taćciana i dadała:
«Mnie zdajecca, što dla tych, chto byŭ u Biełarusi ŭ 2020-m, jany dakładna razumiejuć, što heta nie tak. I mnie časam zdajecca, što niejak za hady ŭ ludziej trochi byccam by mianiajecca pamiać, [adbyvajecca] pierapisvańnie historyi.
Ja dumaju, što tyja, chto byŭ u Minsku, pryčym nie tolki ŭ žniŭni, vieraśni, listapadzie, na pratestach, ale i tyja, chto byŭ u lipieni, kali pačynałasia trya [Śviatłany Cichanoŭskaj, Vieraniki Capkała i Maryi Kaleśnikavaj], chto byŭ u červieni, prychodziŭ na zbory podpisaŭ ci sam udzielničaŭ, u ich zusim inšaje mierkavańnie ab tym, što adbyvałasia.
I z hetaha punktu hledžańnia časam baču ŭ dyjasparach siarod ludziej, jakija žyvuć vielmi daŭno za miažoju, voś hetaje trochi nierazumieńnie situacyi, što było ŭ 2020-m, z čaho ŭsio pačynałasia nasamreč».
Hladzicie całkam:
Ciapier čytajuć
Łukašenka: U amierykancaŭ niama nijakaha płana, jany prosta zandujuć hlebu13
Kamientary