Novy rekord? Tavaraabarot pamiž Rasijaj i Biełaruśsiu praciahvaje raści
Daradca-pasłańnik pasolstva Rasii ŭ Biełarusi Piotr Frałoŭ acaniŭ abjom tavaraabarotu pamiž krainami.
«Ciapier kažuć pra toje, što ŭ nas dzieści ŭ rajonie $60 młrd. Dumaju, my stol hetu prabjem, znoŭ vyjdziem na čarhovy rekordny ŭzrovień. U nas vielmi dobry dyjałoh u ekanamičnaj śfiery idzie na štohadovych forumach rehijonaŭ. Kožny raz tam zakładvajecca taja asnova, jakaja znachodzić svoj praciah užo ŭ praktyčnym supracoŭnictvie pamiž Biełaruśsiu i rasijskimi rehijonami», — skazaŭ Piotr Frałoŭ u kamientary STB.
U 2023-m abjom tavaraabarotu pamiž Biełaruśsiu i Rasija skłaŭ $53 młrd, u 2022-m — $50 młrd, u 2021-m — $40 młrd. Takija ličby dajuć biełaruskija čynoŭniki (rasijskija ahučvajuć krychu mienšyja).
Kali Biełstat raskazvaŭ pra tavaraabarot za pieršaje paŭhodździe 2024-ha, to adznačaŭ, što praktyčna 97% ekspartu ŭ Rasiju — pradukcyja apracoŭčaj pramysłovaści.
«My pavialičyli abjomy ekspartu charčovaj pradukcyi — rost adznačajecca na 8,4%, taksama vyras ekspart vyličalnaj, elektronnaj i aptyčnaj aparatury na 13,1%, transpartnych srodkaŭ i abstalavańnia na 5,3%», — pryvodziŭ ličby Biełstat.
Kamientary