I pacałavalisia na scenie.
U niadzielu rasijski praŭładny śpiavak Šaman (sapraŭdnaje imia — Jarasłaŭ Dronaŭ) abviaściŭ na kancercie, što sustrakajecca z kiraŭnicaj Lihi biaśpiečnaha internetu Kaciarynaj Mizulinaj.
«Aficyjna zajaŭlaju pry ŭsich: my para, my sustrakajemsia, i my razam!» — paviedamiŭ jon. Mizulina, jakuju śpiavak pierad hetym zaprasiŭ na scenu, paćvierdziła: «Tak». Paśla jany pacałavalisia.
Razmovy pra hetu ideałahična vyvieranuju paru chadzili daŭno. Šaman i Mizulina vykładvali sumiesnyja fatahrafii i ramantyčnyja videa, a ŭ studzieni 2025 hoda pacałavalisia na sustrečy sa školnikami.
«Faktyčna Šaman i Mizulina byli nie žyvymi ludźmi, a miemami. (…) Ale niadzielny kancert kančatkova źvioŭ dva miemy ŭ adzin», — napisała pra ich rasijskaje vydańnie «Kamiersant».
Šaman viadomy takimi ŭra-patryjatyčnymi pieśniami, jak «Ja ruski» i «Ustaniem». Jon vystupaje na rasijskich dziaržaŭnych kancertach u padtrymku vajny.
Kaciaryna Mizulina — kiraŭnica rasijskaj Lihi biaśpiečnaha internetu i dačka fanatyčnaj prapucinskaj i antyŭkrainskaj sienatarki Aleny Mizulinaj.
Ciapier čytajuć
Minčuk aburyŭsia kantynhientam u staličnym mietro: Usie z novymi ajfonami, ale nie mohuć dazvolić sabie tannuju mašynu ci pajezdki na taksi?20
Kamientary