Novyja daśledavańni śviedčać, što žančyny z krain, dzie nasielnictva zdaraviejšaje, addaje pieravahu mužčynam bolš fieminizavanym. Moda na mužčynu-samca minaje?
Niekatory čas tamu kala 4800 žančyn uziali ŭdzieł u ekśpierymiencie navukova‑daśledčaj łabaratoryi Abierdynskaha univiersiteta (Šatłandyja). Heta byli maładyja žančyny, u asnoŭnym kala dvaccaci hadoŭ. Paźniej daśledčyki ŭ łabaratoryi paćvierdzili z dapamohaj IP‑adrasoŭ dadzienyja ab tym, što ŭ ekśpierymiencie brali ŭdzieł žančyny z 30 krain, uklučajučy Arhientynu, Šviecyju, Rasiju, Aŭstraliju i Złučanyja Štaty. Kraina pachodžańnia žančyn źjaŭlajecca važnaj častkaj ekśpierymientu.
Paśla rehistracyi na sajcie žančyny pierachodzili ŭ raździeł psichałahičnych testaŭ. Jany atrymlivali instrukcyi na anhlijskaj movie abo ŭ pierakładzie, i im byli parami pradstaŭlenyja mužčynskija tvary. U kožnaj pary im nieabchodna było vybrać toj, jaki padajecca im bolš pryvabnym, i acanić, nakolki jany jon padabajecca im bolš za druhi.
Tvary vyhladali amal adnolkava, ź niaznačnymi adroźnieńniami, byccam tvary dvajniataŭ. Jany byli stvoranyja prahramaj, jakaja nadavała rysam bolš «mužčynskaści» ci «žanockaści». U niekatorych, naprykład, vusny byli tančejšyja, čym u «dvajnikoŭ», abo šyrej pasadžanyja vočy, abo huściejšyja brovy. Bolšaści žančynaŭ spatrebiłasia mienš za 10 chvilin, kab u 20 parach abrać toj mužčynski tvar, jaki padaŭsia im pryvabniejšym.
Paśla apracoŭki dadzienych, u tym liku vyšejnazvanych pieravahaŭ žančyn, ich krainy pachodžańnia i pakazčyku ŭzroŭniu achovy zdaroŭja ŭ hetaj krainie, daśledčyki ŭbačyli cikavuju zakanamiernaść. U krainach, dzie stan achovy zdaroŭja nievysoki i isnuje pahroza vyžyvańniu, žančyny addavali pieravahu bolš «mužnym» mužčynam. To bok im padabajecca, kali ŭ mužčyny šyroki tvar i hustyja brovy, mocnyja skuły i dobra akreślenyja linii skivicy.
Dla čałavieka, nieznajomaha z evalucyjnaj psichałohijaj, heta moža hučać krychu nadumana. Jak uvohule možna źviazvać pieravahu, jakuju žančyna addaje tamu ci inšamu mužčynskamu typu, z uzroŭniem zdaroŭja nacyi? Sprava ŭ tym, što
pavodle teoryi seksualnaha adboru, žančyny bolš razborlivyja ŭ vybary partniora, tamu što na ich prychodzicca bolšaja častka ryzyki i ciažaru ŭ naradžeńni i vychavańni dziaciej. Kali mužčyna moža spać sa 100 žančynami na praciahu hodu i mieć 100 dziaciej, žančyna, jakaja śpić sa 100 mužčynami na hod, budzie mieć tolki adno dzicia. Tamu ŭ jaje intaresach prynamsi abrać bolš «jakasnaha» partniora. I adna z prykmietaŭ «jakaści» mužčyny — dobraje zdaroŭje.
Ale jakoje dačynieńnie maje zdaroŭje da maskulinnaści? Sprava ŭ testasteronie — harmonie, dziakujučy jakomu farmujucca maskulinnyja rysy: mocnyja ciahlicy, skivicy, vałasy na tvary i nizki hołas. Testasteron robić imunasupresiŭnaje ŭździejańnie. Heta aznačaje, što mužčyna pavinien być zdarovym i ŭ dobraj formie, kab vytrymać jaho ŭździejańnie.
Testasteron taksama źviazany z dobraj repraduktyŭnaj funkcyjaj i daminavańniem. Z punktu hledžańnia evalucyi maskulinnaść — harantyja vałodańnia dobrymi hienami i vierahodnaści stać baćkam zdarovych dziaciej.Adnak za mužčynskaść, mahčyma, daviadziecca zapłacić vysokuju canu. Žančyny časta ŭvažajuć mužčynaŭ z vysokim uzroŭniem testasteronu za niepryjaznych, niepryvabnych, niepastajannych, ahresiŭnych i niezacikaŭlenych u vychavańni dziaciej. Sapraŭdy, jość dokazy taho, što takija mužčyny sapraŭdy majuć bolš prablem u vybudoŭvańni stasunkaŭ, čym inšyja.
U hetym śviatle vonkavaja «mužnaść» — nie tak užo i dobra.
Padśviadoma žančynaŭ moža pryvabić vysoki ŭzrovień testasteronu, tamu što taki mužčyna daść jaje dzieciam vyklučnaje zdaroŭje. Ale kali zdaroŭje dasiahajecca za košt adsutnaści viernaści i dobraha vychavańnia, ci važna heta?Hetamu typu addali pieravahu taksama žančyny z Rumynii, Hrecyi i Novaj Ziełandyi. Najbolšaja ž kolkaść žančynaŭ, što znajšli pryvabnym «žanocki» typ, žyvie ŭ Bielhii — krainie, u jakoj, jak ličycca, najlepšaja sistema achovy zdaroŭja ŭ Jeŭropie (razam z Danijaj i Niderłandami).Vidavočny adkaz: nie tak i važna, kali vy žančyna, jakaja žyvie ŭ krainie z vysokim uzroŭniem achovy zdaroŭja. Toje, što nie zmohuć dać «kiepskija» baćkoŭskija hieny, dapamoža vypravić dobraje miedycynskaje absłuhoŭvańnie i čystaje navakolnaje asiarodździe. U vyšejzhadanym daśledavańni žančyny, jakija addali pieravahu najmienš «mužčynskamu» typu, žyvuć, jak praviła, u adnych z samych zdarovych krain: Šviecyi, Finlandyi, Danii i Aŭstryi.
Kamientary