Грамадства1818

«На 45 месцаў — 5 дзяўчат». Хірургаў у субардынатуру будуць размяркоўваць па палавой прыкмеце — студэнты абураныя 

Міністэрства аховы здароўя загадала выдзеліць для будучых хірургаў у субардынатуры асобна месцы для дзяўчат і для хлопцаў. Студэнты лічаць, што ведамства парушае Канстытуцыю, і збіраюцца бараніць свае правы.

Студэнты Беларускага дзяржаўнага медыцынскага ўніверсітэта. Ілюстрацыйнае фота: bsmu.by

Субардынатуру, паглыбленае вывучэнне абранай спецыялізацыі, будучыя медыкі праходзяць на апошнім курсе. Студэнтаў хірургічнага профілю абурыла тое, што іх сталі размяркоўваць на яе па палавой прыкмеце. 

Норма, якую самі студэнты паспелі назваць сэксісцкай, уведзеная загадам Міністэрства аховы здароўя ад 12 чэрвеня 2023 года.

Загад Міністэрства аховы здароўя са згадкай пра гендарную прыналежнасць студэнтаў. Фота: сацыяльныя сеткі

Загад, як пішацца ў дакуменце, выдадзены для забеспячэння галіны дактарамі-спецыялістамі. Чым выкліканая неабходнасць гендарнага размеркавання студэнтаў, у ім не тлумачыцца.

Новаўвядзенні дыскрымінацыйныя для дзяўчат. Хлопцаў на хірургічны профіль бяруць болей, нават калі ў іх меншыя балы.

Напрыклад, у Гомельскім медычным універсітэце на анестэзіялогію і рэаніматалогію з 45 месцаў толькі 5 аддалі дзяўчатам. На хірургію з 70 — 13 у дзяўчат.

Размеркаванне студэнтаў на субардынатуру ў Гомельскім дзяржаўным медыцынскім універсітэце. Фота: сацыяльныя сеткі

Па словах студэнтаў, хлопцам навязваюць «чужыя» ім спецыялізацыі. Адміністрацыя навучальных устаноў угаворвае іх пагадзіцца, каб закрыць «мужчынскія» прафесіі ў медыцыне.

«Лічыцца, што хірургічныя спецыяльнасці маральна і фізічна цяжэйшыя, але чаму за дзяўчыну гэта вырашае міністэрства?» — каментуе сітуацыю адна са студэнтак.

Паводле яе, у працэсе ўсяго навучання некаторыя хірургі скептычна ставяцца да выбару дзяўчат.

Студэнты спадзяюцца, што на пазіцыю Міністэрства аховы здароўя можна паўплываць, сабраўшы пад электроннай петыцыяй пераканаўчую колькасць подпісаў незадаволеных. Пакуль яны вырашаюць, куды адрасаваць свой зварот.

Студэнты хочуць, каб чыноўнікі адмянілі загад або ўнеслі ў яго карэктывы адносна палавой прыкметы ў размеркаванні на субардынатуру.

На іх погляд, згадка пра гендарную прыналежнасць парушае канстытуцыйную норму аб роўнасці грамадзян перад законам і недапушчальнасці дыскрымінацыі.

«Загадам Міністэрства аховы здароўя ад 12.06.2023 №879 правы адносна жаночага насельніцтва былі парушаныя з прычыны нераўнамернага размеркавання месцаў па профілях субардынатур», — гаворыцца ў праекце петыцыі.

У беларускай медыцыне велізарныя праблемы з кадрамі. Лякарням не хапае больш за 6,5 тысячы дактароў-спецыялістаў. Як новая норма Міністэрства аховы здароўя паўплывае на забяспечанасць бальніц кадрамі, незразумела.

У маі Лукашэнка падпісаў распараджэнне аб павышэнні эфектыўнасці сістэмы аховы здароўя. Згодна з ім, чыноўнікам загадана прыняць дадатковыя меры па рашэнні праблемы недахопу медыкаў, але як гэта будзе рабіцца, невядома.

Медыкі-практыкі лічаць, што новаўвядзеннем Міністэрства аховы здароўя спрабуе прадэманстраваць тое, што яно працуе. Гендарная ж дыскрымінацыя ў медыцыне, як кажуць яны, існавала і раней, але цяпер яе зрабілі нормай.

«Наша Нiва» — бастыён беларушчыны

ПАДТРЫМАЦЬ

Глядзіце таксама:

У якім стане знаходзіцца медыцына праз амаль 30 год лукашэнкаўскага кіравання? Гэта толькі тое, што апублічылі

Гамеапатыю і іншыя метады нетрадыцыйнай медыцыны дагэтуль уключаюць у пералік платных паслуг у дзяржаўных клініках

«Я не збіраўся капаць акопы». Медык з райцэнтра расказвае, чаму больш не вытрымаў

Каментары18

  • бывалы
    01.07.2023
    Усё правільна, медыцына з большага - не жаночая справа. 
  • Нрпно
    01.07.2023
    Дзе качонава чаму маучыць
  • даведка
    01.07.2023
    Необходимость гендерного распределения студентов вызвана беременностью, родами и трёхлетним декретом.

Цяпер чытаюць

Муж галоўнай гераіні прапагандысцкага фільма БТ скончыў жыццё самагубствам1

Муж галоўнай гераіні прапагандысцкага фільма БТ скончыў жыццё самагубствам

Усе навіны →
Усе навіны

На фабрыцы ў Слуцку загінуў электраманцёр: яго збіў недасведчаны кіроўца пагрузчыка

Пуцін: Не слухайце Пяскова, у яго праца такая2

Сілуэт хмарачоса ўжо вымалёўваецца. Як цяпер выглядае шматпакутны «Газпрам Цэнтр» у Мінску ФОТА5

Сталі вядомы магчымыя ўмовы Расіі для спынення агню ва Украіне6

Парашэнка: Зяленскі вядзе Украіну «ў бок дыктатуры»10

Скон тарашкевіцы. Закрыццё «Радыё Свабода» можа завяршыць моўную эпоху46

У квартале «Мінск-Свет» з’явіліся дамы з двухузроўневымі кватэрамі4

Ціханоўская: Дэмакратычныя перамены ў Беларусі гарантуюць 1000 кіламетраў бяспечнай мяжы Еўрасаюзу15

Расійскага коміка затрымалі ў Беларусі за жарты пра ўдзельнікаў СВА. Беларускія сілавікі павесілі на коміка мясарубку12

больш чытаных навін
больш лайканых навін

Муж галоўнай гераіні прапагандысцкага фільма БТ скончыў жыццё самагубствам1

Муж галоўнай гераіні прапагандысцкага фільма БТ скончыў жыццё самагубствам

Галоўнае
Усе навіны →

Заўвага:

 

 

 

 

Закрыць Паведаміць