Сёння «Дынама» саступіла ў азербайджанскім Сумгаіце «Капенгагену» з лікам 1:2.
Датчане забілі першымі, потым «Дынама» зраўняла, але «Капенгаген» у другім тайме з пенальці выйшаў наперад.
«Дынама», якое ў панядзелак зноў стала чэмпіёнам Беларусі па футболе, прайграла ва ўсіх чатырох матчах асноўнага этапу трэцяга па ранжыру еўракубка: раней — шатландскаму «Хартсу» (1:2), фінскаму ХІКу (0:1), польскай «Легіі» (0:4).
У агульнай турнірнай табліцы «Дынама» займае перадапошняе 35-е месца. Каб прайсці ў наступны этап, трэба быць не ніжэй за 24-е месца (у «Панацінаікаса» — 4 балы).
Камандзе засталося правесці дзве гульні: з такім жа слабым паўночнаірландскім «Ларнам» (12 снежня) і грэцкім «Панацінаікасам» (19 снежня).
Дарэчы, толькі ў «Дынама» і «Ларна» няма набраных балаў.
Цяпер чытаюць
Стала вядома пра смерць 41-гадовага былога палітвязня з Гродна Аляксея Аўсюкевіча1
Каментары