Свет99

Меркаваны біёграф Ілана Маска лічыць, што мільярдэр уяўляе небяспеку для ўсяго свету

Амерыканскі прафесар і аўтар некалькіх бестсэлераў Сэт Абрамсан, які называе сябе «біёграфам Ілана Маска», выказаў крайнюю занепакоенасць станам мільярдэра і заклікаў улады ЗША тэрмінова абясшкодзіць Маска да інаўгурацыі Трампа, «каб засцерагчы свет ад драматычных наступстваў».

Ілан Маск. Фота: AP

Па словах вядомага ў ЗША прафесара з Гарварда Сэта Абрамсана, мільярдэр «з'язджае з глузду» і становіцца пагрозай як для ЗША, так і для ўсяго свету, перадае выданне Daily Beast.

Абрамсан кажа, што сачыў за паводзінамі Маска на працягу апошніх двух гадоў. І звяртае ўвагу, што мільярдэр сам прызнаваў наяўнасць псіхічных засмучэнняў, моцнага стрэсу і ўжыванне кетаміну. Па словах Абрамсана, уплыў Ілана Маска на Дональда Трампа выклікае засцярогі ў часткі атачэння новаабранага прэзідэнта ЗША.

Кажучы аб паводзінах Маска, Абрамсан выказвае занепакоенасць падтрымкай мільярдэрам ультраправых партый Еўропы, якая актывізавалася пасля перамогі Трампа на выбарах у ЗША.

У прыватнасці, Абрамсан звяртае ўвагу на цяперашнія паралельныя медыйныя кампаніі Маска супраць урадаў Германіі і Вялікабрытаніі, у якіх мільярдэр адкрыта сімпатызуе нямецкім ультраправым з «Альтэрнатывы для Германіі» і брытанскім ультраправым з «Reform UK». Абедзве партыі лічацца другімі па ўплыву ў сваіх краінах, выступаюць за жорсткую антыміграцыйную палітыку і за наладжванне адносінаў з Расіяй.

«Асабістыя праблемы Маска не выклікалі б столькі турботы, калі б яны не выносіліся на ўсеагульнае абмеркаванне. Мільярдэр мае каласальны ўплыў на эканоміку і палітыку ЗША, а таксама валодае актывамі ў большасці важных для планеты сфер». 

«У сувязі з гэтым заклікаю адміністрацыю прэзідэнта ЗША Джо Байдэна аператыўна прыняць меры, каб яшчэ да інаўгурацыі Дональда Трампа засцерагчы Штаты ад драматычных наступстваў праўлення Маска. Ураду варта разарваць з Маскам усе кантракты, спыніць стварэнне ягонага Дэпартамента па дасягненні дзяржэфектыўнасці (DOGE), а таксама пачаць федэральныя расследаванні супраць мільярдэра па справах аб пагрозе нацбяспецы», — рэзюмуе Сэт Абрамсан.

Пры гэтым амерыканскі прафесар, па ягоных словах, усведамляе, што нічога з вышэйпералічанага хутчэй за ўсё не адбудзецца.

48-гадовы амерыканскі прафесар Сэт Абрамсан, які называе сябе «біёграфам Ілана Маска». Фота: Wikimedia Commons

48-гадовы амерыканскі прафесар Сэт Абрамсан мае юрыдычную адукацыю Гарвардскага ўніверсітэта і з'яўляецца аўтарам некалькіх бестсэлераў (адзначаных выданнем The New York Times), якія былі прысвечаны расследаванням карупцыі першай адміністрацыі Дональда Трампа (2016-2020) і магчымых сувязяў Трампа з урадамі Расіі і Кітая.

Але пры гэтым у публічным доступе няма афіцыйнай інфармацыі аб тым (акрамя словаў самога Абрамсана), што прафесар з'яўляецца сапраўдным біёграфам мільярдэра Ілана Маска.

Каментары9

  • Маня
    08.01.2025
    А сапраўды, так і ёсць. Пагроза, ды яшчэ якая.
  • Ваня
    08.01.2025
    Маня, чым жа ён вам так пагражае?
  • Мілан Аск
    08.01.2025
    Хопіць ужо ківаць на тое, што Маск еўрапейскіх ультраправых падтрымлівае. Не трэба блытаць сітуацыю ў Еўропе і ў ЗША. У ЗША нават Нацысцкая партыя (Nazi party) дзейнічае, адкрыта выкарыстоўваюцца сцягі НСДАП са свастыкай. Яны маргіналы, але за гэта не пераследуюць, пакуль яны не пагражаюць грамадскаму парадку. Калі Маск сімпатызуе, напрыклад, Нацысцкай партыі, па амерыканскіх законах гэта ўсё ў рамках заканадаўства. Гэта ў Еўропе шарахаюцца ад любога намёку на НСДАП і ўсякае такое. Трэба гэта разумець.

Цяпер чытаюць

Муж галоўнай гераіні прапагандысцкага фільма БТ скончыў жыццё самагубствам

Грамадствабудзе дапоўнена

Муж галоўнай гераіні прапагандысцкага фільма БТ скончыў жыццё самагубствам

Усе навіны →
Усе навіны

Пуцін: Не слухайце Пяскова, у яго праца такая2

Сілуэт хмарачоса ўжо вымалёўваецца. Як цяпер выглядае шматпакутны «Газпрам Цэнтр» у Мінску ФОТА5

Сталі вядомы магчымыя ўмовы Расіі для спынення агню ва Украіне6

Парашэнка: Зяленскі вядзе Украіну «ў бок дыктатуры»10

Скон тарашкевіцы. Закрыццё «Радыё Свабода» можа завяршыць моўную эпоху46

У квартале «Мінск-Свет» з’явіліся дамы з двухузроўневымі кватэрамі4

Ціханоўская: Дэмакратычныя перамены ў Беларусі гарантуюць 1000 кіламетраў бяспечнай мяжы Еўрасаюзу15

Расійскага коміка затрымалі ў Беларусі за жарты пра ўдзельнікаў СВА. Беларускія сілавікі павесілі на коміка мясарубку12

Лукашэнка абмеркаваў з Рыжанковым «крокі па аднаўленні даверу з заходнімі краінамі»23

больш чытаных навін
больш лайканых навін

Муж галоўнай гераіні прапагандысцкага фільма БТ скончыў жыццё самагубствам

Грамадствабудзе дапоўнена

Муж галоўнай гераіні прапагандысцкага фільма БТ скончыў жыццё самагубствам

Галоўнае
Усе навіны →

Заўвага:

 

 

 

 

Закрыць Паведаміць