Hramadstva

Stała viadoma, z čaho Paršyn moh stralać pa padletku

Jak stała viadoma «Našaj Nivie», na Andreja Paršyna zarehistravana asabistaja zbroja — hazavy revalvier MIE-38 Compact. Imavierna, ź jaho toj moh stralać pa 16-hadovym padletku ŭ «Kaskadzie». 

MIE-38 Compact — heta piacizaradny revalvier niamieckaj vytvorčaści. 

MIE-38 Compact, skrynšot ź videa

U ahladach hetaj zbroi havorycca, što revalvier moža stralać hazavymi patronami (paražajuć atrutnym hazam), traŭmatyčnymi i drabavymi, kalibram 9 mm. Dulnaja mahutnaść 50-60 Dž, chutkaść vyletu bojeprypasa pry strele — 330 mietraŭ za siekundu. 

Pryncyp dziejańnia niepasredna hazavaha patrona nastupny: jon jašče ŭ stvale razryvajecca i vystrelvaje kancentravanym hazam, jaki vyklikaje prablemy z dychańniem i zrokam u achviary. Pa-sutnaści, heta taki madyfikavany varyjant hazavaha bałončyka. 

«Ale miarkujučy pa tym, što padletak u balnicy i pieranios užo dźvie apieracyi, stralaŭ Paršyn nie hazavym patronam. Papadańnie hazavaj «kuli» u nohu nie moža vyklikać nastupstvaŭ, apisanych u presie. Imavierna, tam byŭ traŭmatyčny abo drabavy patron», — ličyć adzin z apytanych ekśpiertaŭ. 

«Taksama viadoma, što ŭ HUBAZiK trapiła 50 traŭmatyčnych pistaletaŭ rasijskaj vytvorčaści na bazie pistaleta Jaryhina — pra heta hramadstva daviedałasia sa źlitaj pramovy Karpiankova. Ale, imavierna, Paršyn usio ž chodzić sa svaim revalvieram, bo niemetazhodna vydavać jamu jašče adzin traŭmat, lepš vydać kamuści jašče», — miarkuje naš surazmoŭca. 

Traŭmatyčnaja viersija pistaleta Jaryhina

Nahadajem, u 2020-m u sieciva trapiŭ aŭdyjazapis, zrobleny adnym z supracoŭnikaŭ HUBAZiKa, na jakim čuvać instruktaž mierkavana tahačasnaha kiraŭnika ŭpraŭleńnia Karpiankova. 

«Jak prezident kaža, što, kali na ciabie pre… Kali na ciabie pre — vykarystoŭvaj zbroju. Nielatalnuju. Stralaj va ŭpor: pa nahach, u žyvot, pa jajcach. Kab zrazumieŭ, što jon učyniŭ i što narabiŭ, kali pryjdzie ŭ prytomnaść. Albo pakalečyć, albo źniaviečyć, albo zabić. Nu adkačajuć, dyk adkačajuć… Nie budzie ŭ jaho pałovy hałaŭnoha mozha, nu, tudy jamu i daroha. Tamu što ŭsie tyja, chto vychodziać na vulicy ŭ ciapierašni momant, paŭdzielničać u rejkavaj vajnie… Atrymlivajecca, tyja, chto błakuje darohi, napadaje na milicyjanieraŭ, kidajuć kaktejli Mołatava… Tyja ž terarysty, heta lišnija ludzi ŭ našaj krainie», — havaryłasia ŭ aŭdyjazapisie. ​

Kamientary

Ciapier čytajuć

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta13

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta

Usie naviny →
Usie naviny

Nastaŭnica raskazała, jak piedahohi vymušany spravazdačycca za pajezdki za miažu6

Izrail adnaviŭ udary pa abjektach CHAMAS u siektary Haza1

Tramp zajaviŭ, što «mnohija elemienty» mirnaha pahadnieńnia ŭžo ŭzhodnienyja3

Łojka: Kałaŭr moh spračacca i advakatavać takija rečy, pra jakija nichto inšy zaiknucca nie moh7

Raspaviadajem, što za novuju zbroju ŭžyli ŭ Sierbii dla razhonu pratestaŭ. Jana ŭžo jość u Rasii7

Teletranślacyja sa stadyjona ŭ Minsku, jaki ŭ 2021 hodzie adkryvaŭ Łukašenka, «niebiaśpiečnaja dla zdaroŭja apierataraŭ»1

Vienhryja pahadziłasia praciahnuć sankcyi suprać Rasii paśla zvanka Rubia3

Palitźniavolenaja Antanina Kanavałava raskazała, što joj prapanoŭvaŭ HUBAZiK paśla jaje vyzvaleńnia3

Mahiloŭski kanduktar zabaŭlaje pasažyraŭ pieśniami VIDEA1

bolš čytanych navin
bolš łajkanych navin

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta13

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta

Hałoŭnaje
Usie naviny →

Zaŭvaha:

 

 

 

 

Zakryć Paviedamić