Vajna

ISW: Ukrainskija siły praciahnuć kontrnastupleńnie zimoj

Ukrainskija aficyjnyja asoby dali zrazumieć, što ŭkrainskija siły płanujuć praciahvać kontrnastupalnyja apieracyi zimoj, kab zamacavać niadaŭnija vajennyja pośpiechi i nie dazvolić rasijskim vojskam pierachapić inicyjatyvu na poli boju, ličać analityki amierykanskaha Instytuta vyvučeńnia vajny (ISW). Voś asnoŭnyja vysnovy ich štodzionnaha ahladu.

Fota: AP

Aficyjny pradstaŭnik Uschodniaj hrupoŭki vojskaŭ Siarhiej Čaravaty zajaviŭ 4 śniežnia, što źmierzłaja hleba dazvolić ciažkaj kołavaj i husieničnaj technicy prasoŭvacca napierad i što ŭkrainskija siły rychtujuć takuju techniku da zimovych apieracyj.

Pry hetym, ź jahonych słoŭ, drenna padrychtavanyja mabilizavanyja rasijskija vajskoŭcy i navabrancy PVK «Vahnier», nabranyja ŭ rasijskich turmach ź liku źniavolenych, nie hatovyja da bajavych dziejańniaŭ zimoj.

Vysokapastaŭlenyja ŭradavyja čynoŭniki ZŠA pamyłkova vyznačajuć aptymalnaje akno mahčymaściaŭ dla ŭzmacnieńnia kontrnastupleńnia Ukrainy jak viasnu, a nie zimu, niahledziačy na zajavy ŭkrainskich aficyjnych asob ab advarotnym.

Zdolnaść Ukrainy ŭtrymać vajskovuju inicyjatyvu zaležyć ad taho, ci praciahnuć ukrainskija siły aktyŭnyja kontrnastupnyja apieracyi hetaj zimoj.

Rasija straciła inicyjatyvu va Ukrainie letam paśla kulminacyi nastupu na Danbasie. Ukrainskija siły zachapili i ŭtrymlivajuć inicyjatyvu sa žniŭnia 2022 hoda i z tych časoŭ praviali šerah paśpiachovych kontrnastupalnych apieracyj.

Ukraina vyzvaliła bolšuju častku Charkaŭskaj vobłaści ŭ vieraśni, Chierson u listapadzie, i ŭ ciapierašni čas stvaraje ŭmovy dla novaha nastupu USU ŭ inšych miescach hetaj zimoj.

Ukrainskaja kampanija raspracavanaja takim čynam, kab pazbavić Rasiju inicyjatyvy i vyzvalić bolš zachoplenych Rasijaj terytoryj Ukrainy.

Umovy nadvorja zimoj 2023 hoda, vierahodna, buduć vyznačać časavyja ramki dla viadzieńnia Ukrainaj bajavych dziejańniaŭ z tym, kab praciahvać sieryju apieratyŭnych pośpiechaŭ ź minimalnymi paŭzami.

Jak raniej adznačaŭ ISW, siezon vosieńskaha biezdarožža ŭ listapadzie abciažaryŭ manieŭranuju vajnu. Tym nie mienš i Rasija, i Ukraina praciahvali ahresiŭnyja nastupalnyja i kontrnastupnyja apieracyi na praciahu ŭsiaho hetaha pieryjadu, nasupierak niekatorym prahnozam.

Pa miery nabližeńnia mocnych marazoŭ u kancy śniežnia ŭkrainskija siły znoŭ zmohuć vykarystoŭvać ŭmovy nadvorja ŭ svaich intaresach, bo zima — najlepšy siezon dla bajavych dziejańniaŭ z udziełam miechanizavanych padraździaleńniaŭ.

Kali sajuźniki i partniory Ukrainy nie padtrymajuć ukrainskija siły ŭ praviadzieńni hetaj zimoj bujnamaštabnych rašučych kontrnastupalnych apieracyj, tady zdolnaść USU vieści manieŭranyja bajavyja dziejańni budzie abmiežavanaja prynamsi da zakančeńnia siezona viasnovaha biezdarožža ŭ sakaviku 2023 hoda.

Takoje raźvićcio padziej, chutčej za ŭsio, pazbavić Ukrainu nabranaj joj pieravahi i daść rasijskim siłam kaštoŭnuju adterminoŭku na try-čatyry miesiacy, kab adnavicca i lepš padrychtavacca da bajavych dziejańniaŭ.

Kamientary

Ciapier čytajuć

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta14

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta

Usie naviny →
Usie naviny

Što ŭkazvaje na vysokuju ryzyku suicydu ŭ čałavieka, jaki pra heta kaža? Adkazvaje psichijatr4

Stała viadoma pra śmierć 41-hadovaha byłoha palitviaźnia z Hrodna Alaksieja Aŭsiukieviča13

Śpis mierapryjemstvaŭ da Dnia Voli na vyhnańni3

Pierasiakać miažu Biełarusi z Łatvijaj možna budzie tolki aŭtatranspartam

Tramp pryznaŭsia, što sprečka ź Zialenskim u Biełym domie była častkaj cisku na Ukrainu13

Nastaŭnica raskazała, jak piedahohi vymušany spravazdačycca za pajezdki za miažu6

Izrail adnaviŭ udary pa abjektach CHAMAS u siektary Haza2

Tramp zajaviŭ, što «mnohija elemienty» mirnaha pahadnieńnia ŭžo ŭzhodnienyja3

Łojka: Kałaŭr moh spračacca i advakatavać takija rečy, pra jakija nichto inšy zaiknucca nie moh7

bolš čytanych navin
bolš łajkanych navin

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta14

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta

Hałoŭnaje
Usie naviny →

Zaŭvaha:

 

 

 

 

Zakryć Paviedamić