Nieruchomaść2121

«Adpracujcie 40 hadoŭ kiraŭnikom, i ŭ vas atrymajecca». Eks-sienatarka raskazała, jak možna zarabić na dom za $1,5 miljona

U mikrarajonie Lebiadziny ŭ Minsku jość nievialiki zavułak Kniahininski, zabudavany pryvatnymi damami. U samym jaho pačatku znachodzicca dom № 3, jaki ciapier vystaŭleny na prodaž. Košt nieruchomaści ŭražvaje — bolš za 1,5 młn dalaraŭ. Z dapamohaj «Kibierpartyzan» i Belpol «Lusterka» daviedałasia, što vałodaje majomaściu 63-hadovaja Natalla Błachina, dyrektarka Słuckaha ŭniviermaha i byłaja pryznačenka ŭ Saviet Respubliki.

Dom №3 na zavułku Kniahininskim u Minsku. Fota: ahienctva nieruchomaści «Dyjanest»

Čatyrochuzroŭnievy cahlany katedž z čarapičnym dacham zajmaje ahulnuju płošču bolš za 600 «kvadrataŭ», jon staić na ŭčastku bolš za vosiem sotak (ziamla znachodzicca ŭ pryvatnaj ułasnaści).

Dom «dla VIP» byŭ pabudavany ŭ 2015 hodzie. Usie kamunikacyi ŭ im centralizavanyja. U domie jość siem žyłych pakojaŭ, čatyry sanvuzły, kuchnia, terasa, vieranda, dźvie harderobnyja, bałkon, hulniavy pakoj, biljardnaja, trenažornaja zała, dapamožnaje pamiaškańnie, dźvie kładoŭki, kacielnia, sauna, haraž.

Dom №3 na zavułku Kniahininskim u Minsku. Fota: ahienctva nieruchomaści «Dyjanest»

Ścieny ŭnutry doma pafarbavanyja, a taksama abklejenyja italjanskimi špalerami. Vyšynia stolaŭ — ad 3 da 3,5 mietra ŭ zaležnaści ad paviercha, na ich dekaratyŭnaja lapnina. U miescach, dzie vykładzieny kieramahranit, abstalavanaja ciopłaja padłoha. Va ŭsich žyłych pakojach vykładzieny parkiet z masivu duba Coswick. Mižpakajovyja dźviery zroblenyja z sucelnaha masiva dreva. Usie aśviatlalnyja prybory ŭ domie vykananyja pa indyvidualnaj zamovie.

Dom №3 na zavułku Kniahininskim u Minsku. Fota: ahienctva nieruchomaści «Dyjanest»

Uvachod u dom raźmieščany na pieršym paviersie, adrazu adsiul traplaješ u piaredni pakoj, dzie abstalavany piacimietrovy harderobny pakoj. Na vierchnija i nižni pavierchi viadzie leśvica z naturalnaha marmuru, z kavanymi parenčami.

Dom №3 na zavułku Kniahininskim u Minsku. Fota: ahienctva nieruchomaści «Dyjanest»

Vialikaja haścioŭnia abjadnanaja z kuchniaj, dzie jość italjanski kuchonny harnitur sa stalnicaj i myjkaj z naturalnaha kamieniu. Tut taksama jość ubudavanaja technika: posudamyjnaja mašyna Bosch, indukcyjnaja varačnaja pavierchnia Weissgauff, duchavaja šafa, mikrachvaloŭka i vyciažka firmy Teka, chaładzilnik Liebherr. U haścioŭni jość i kamin z ekskluziŭnaha marmuru.

Dom №3 na zavułku Kniahininskim u Minsku. Fota: ahienctva nieruchomaści «Dyjanest»

Z kuchni idzie vychad na abahravanuju zašklonuju vierandu ź zimovym sadam z naturalnym aśviatleńniem. Z haścioŭni jość vychad na terasu. Haścioŭnia i kuchnia — z panaramnym škleńniem. U pracoŭnym kabiniecie ŭsia mebla vyrablenaja z masivu dreva. Kanapa — z naturalnaj skury.

Dom №3 na zavułku Kniahininskim u Minsku. Fota: ahienctva nieruchomaści «Dyjanest»

Taksama na pieršym paviersie jość sanvuzieł, praź jaki možna trapić u dapamožnaje pamiaškańnie (u im ustanoŭlenyja dźvie pralnyja mašyny Bosch, a taksama jość kładoŭka z tryma chaładzilnikami i šafaj).

Dom №3 na zavułku Kniahininskim u Minsku. Fota: ahienctva nieruchomaści «Dyjanest»

Na druhim paviersie znachodziacca čatyry žyłyja pakoi: haspadarskaja spalnia z bałkonam i try dziciačyja spalnyja pakoi. Taksama jość niekalki sanvuzłoŭ i harderobny pakoj.

Dom №3 na zavułku Kniahininskim u Minsku. Fota: ahienctva nieruchomaści «Dyjanest»

U haspadarskaj spalni — italjanskaja mebla, a taksama štory i špalery. U vannym pakoi — elitnaja santechnika, italjanskaja plitka Versace.

Dom №3 na zavułku Kniahininskim u Minsku. Fota: ahienctva nieruchomaści «Dyjanest»

U mansardzie arhanizavany hulniavy pakoj, a voś unizie — miesca dla praviadzieńnia volnaha času darosłymi: abstalavanaja trenažornaja zała, pakoj adpačynku ź biljardnym i tenisnym stałami, spa-zona z elektryčnaj saunaj i džakuzi.

Dom №3 na zavułku Kniahininskim u Minsku. Fota: ahienctva nieruchomaści «Dyjanest»
Dom №3 na zavułku Kniahininskim u Minsku. Fota: ahienctva nieruchomaści «Dyjanest»

Na nulavym paviersie taksama znachodzicca kacielnia z hazavym katłom Vaillant (Hiermanija), bojler na 300 litraŭ vady, raźmierkavalny elektraščyt i indyvidualnyja prybory ŭliku.

Dom №3 na zavułku Kniahininskim u Minsku. Fota: ahienctva nieruchomaści «Dyjanest»
Dom №3 na zavułku Kniahininskim u Minsku. Fota: ahienctva nieruchomaści «Dyjanest»

Adpačyć možna i na zakrytym ad starońnich vačej učastku kala doma, jaki abstalavany videakamierami i sihnalizacyjaj. Tut jość dobry hazon, vysadžanyja tui, pabudavanaja altanka i zona dla barbiekiu.

Dom pradajuć za 5 023 395 rubloŭ, ci 1 550 000 dalaraŭ.

Što viadoma pra ŭłaśnicu žylla i jaje muža

Dziakujučy «Kibierpartyzanam» i Belpol, «Lusterku» atrymałasia vyśvietlić, što vałodaje darahoj nieruchomaściu 63-hadovaja Natalla Błachina sa Słucka. Dom byŭ aformleny na jaje imia praz damovu kupli-prodažu ŭ lutym 2013 hoda.

Sama žančyna zarehistravanaja ŭ Słucku, tam jana taksama maje dom. Jana daŭno pracuje ŭ Słucku dyrektaram dziaržaŭnaha ŭniviermaha. Padatkovych daŭhoŭ za im nie ličycca, ale krama litaralna nie vyłazić z ekanamičnych sudoŭ jak daŭžnik pa sotniach spraŭ pierad kampanijami-vytvorcami.

Akazałasia, što Natalla Błachina davoli aktyŭnaja ŭ palitycy: jana člen Biełaruskaha sajuza žančyn, a taksama dvojčy pryznačałasia ŭ Saviet Respubliki (u apošni raz jana była ŭ hetaj struktury ŭ 2004-2008 hadach).

Jak paviedamlajecca, Natalla Błachina raniej atrymlivała ŭznaharodu ad Saŭmina, taksama jana maje znaki «Vydatnik handlu» i zvańnie «Čałaviek hoda Minščyny».

Muž Natalli — Barys Błachin, byŭ deputatam Minskaha abłasnoha savieta deputataŭ. Ciapier jon pracuje dyrektaram Słuckaha dziaržaŭnaha kaledža.

Karespandent «Lusterka» jak fizasoba patelefanavaŭ abodvum sužoncam Błachinym i zapytaŭsia ŭ ich, jakim čynam možna zarabić hrošy na takuju nieruchomaść.

Spačatku Natalla Błachina ździviłasia pytańniu pra katedž u Lebiadzinym i paviedamiła, što «nichto nijaki dom nie pradaje». Praŭda, kali joj paviedamili, što pra vałodańnie hetaj nieruchomaściu mienavita joj užo viadoma, rytoryka žančyny źmianiłasia.

«Nu i što, chto jaho pradaje, kali ja jaho nie pradaju? Nie, nichto jaho nie pradaje. Chto jaho moh vystavić [pradavać]? Ja jaho nie pradaju», — adkazała jana.

Na pytańnie, dzie možna zarabić hrošaj na taki dom, žančyna paviedamiła nastupnaje:

«Vy adpracujcie 40 hadoŭ kiraŭnikom na ziamli, chaj adpracujuć vašy baćki taksama pa 40 hadoŭ. A naohuł ahulny staž u maich baćkoŭ i majho muža — 160 hadoŭ. Papracujcie, i ja dumaju, u vas usio atrymajecca».

Padobnaje pytańnie zadali i mužu Natalli, Barysu Błachinu:

— Treba iści ŭ deputaty, kab zarabić hrošaj i kupić dobraje žyllo, jak dom za 1,5 młn dalaraŭ u Lebiadzinym, jaki vy ciapier pradajecie? U adukacyi, napeŭna, nie zarobiš ža?

— Adna sprava pradać, a inšaja sprava — pabudavać, — adkazaŭ mužčyna, paśla čaho spasłaŭsia na zaniataść i paprasiŭ pieratelefanavać paźniej.

Kamientary21

  • Damokł Majsiejevič
    27.02.2024
    Karaciej, u łukašystaŭ usio dobra. A vy, bie(h)łyja kociki, zajzrościcie moŭčki :)
  • Zaatechnik
    27.02.2024
    Borzaja prykarytnica.
  • Aaaa
    27.02.2024
    Što jana harodzić? Pry karycie treba łyč trymać, kak byŭ taki dom u Biełarusi

Ciapier čytajuć

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta13

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta

Usie naviny →
Usie naviny

Nastaŭnica raskazała, jak piedahohi vymušany spravazdačycca za pajezdki za miažu6

Izrail adnaviŭ udary pa abjektach CHAMAS u siektary Haza1

Tramp zajaviŭ, što «mnohija elemienty» mirnaha pahadnieńnia ŭžo ŭzhodnienyja3

Łojka: Kałaŭr moh spračacca i advakatavać takija rečy, pra jakija nichto inšy zaiknucca nie moh7

Raspaviadajem, što za novuju zbroju ŭžyli ŭ Sierbii dla razhonu pratestaŭ. Jana ŭžo jość u Rasii7

Teletranślacyja sa stadyjona ŭ Minsku, jaki ŭ 2021 hodzie adkryvaŭ Łukašenka, «niebiaśpiečnaja dla zdaroŭja apierataraŭ»1

Vienhryja pahadziłasia praciahnuć sankcyi suprać Rasii paśla zvanka Rubia3

Palitźniavolenaja Antanina Kanavałava raskazała, što joj prapanoŭvaŭ HUBAZiK paśla jaje vyzvaleńnia3

Mahiloŭski kanduktar zabaŭlaje pasažyraŭ pieśniami VIDEA1

bolš čytanych navin
bolš łajkanych navin

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta13

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta

Hałoŭnaje
Usie naviny →

Zaŭvaha:

 

 

 

 

Zakryć Paviedamić