«Adstaŭka Huleviča adbyłasia paśla viartańnia Łukašenki z Maskvy, a pryznačeńnie Muraviejki — u dzień vizitu Pucina ŭ Minsk» — iSANS
Ekśpiert inicyjatyvy iSANS Anton Hłuski ŭ razmovie z Reform.news padzialiŭsia mierkavańniem adnosna taho, jaki moža być sens zamienie na pasadzie kiraŭnika Hienieralnaha štaba Viktara Huleviča na Paŭła Muraviejku.
Anton Hłuski źviartaje ŭvahu na toje, što Pavieł Muraviejka, jak i Viktar Hulevič — uradženiec Biełarusi, ale nie bačyć u hetym pryncypovaha momantu. Pavodle jaho mierkavańnia,
«heta śviedčyć tolki pra toje, što ŭ vojsku taksama idzie praces źmieny pakaleńniaŭ, na miesca ŭradžencaŭ SSSR prychodziać biełarusy. Z punktu hledžańnia identyfikacyi mieć iluzij adnosna Muraviejki nie davodzicca».
U toj ža čas, na dumku ekśpierta, hetaja zamiena — nie šarahovaja ratacyja:
«U hetym vypadku adbyłasia zamiena dźviuch vielmi roznych fihur. Hulevič — vajskovy prafiesijanał, hłyboki śpiecyjalist, jakoha pavažajuć u vojsku. Kali b jon vystupiŭ suprać udziełu biełaruskich vojskaŭ u bajavych dziejańniach, to jon by zmoh arhumientavać svaju pazicyju, i jaho mierkavańnie mieła b značeńnie. Za im taksama nie fiksavałasia ahresiŭnych zajaŭ i pahroz «prasiekčy Suvałkski kalidor». Muraviejka takija pahrozy vykazvaŭ».
Hłuski ličyć, što pa typažy Muraviejka bližejšy da ministra abarony Viktara Chrenina: taki ž ideałahizavany dy prarasijski, da taho ž ź niehatyŭnaha boku vyznačyŭsia ŭ padziejach 2020 hoda i paśla pačatku poŭnamaštabnaj vajny va Ukrainie ŭ 2022-m. Heta čałaviek staŭlenika Maskvy Alaksandra Valfoviča.
Ekśpiert ličyć važnym, što:
«Adstaŭka Huleviča adbyłasia paśla viartańnia Łukašenki z Maskvy, a pryznačeńnie Muraviejki — u dzień vizitu Pucina ŭ Minsk».
Z pryznačeńniem Muraviejki, na jahonuju dumku, pavyšajecca vierahodnaść ustupleńnia biełaruskaj armii ŭ vajnu z Ukrainaj:
«Možna skazać aściarožna: my stali na krok bližej da hetaha. Hetaja pierastanoŭka śviedčyć pra karektavańnie viektaru vajskovaj palityki».
Łukašenka pryznačyŭ novaha načalnika Hienštaba
«Jak kazaŭ Uładzimir Uładzimiravič Pucin». Vajennaja daktryna Biełarusi praduhledžvaje mahčymaść papieradžalnaha ŭdaru
Chto taki hienierał Muraviejka, jaki choča prarubić kalidor da mora «siłaj zbroi»
«Sankcyi pracujuć». U Vilni prakamientavali pahrozy Litvie z boku łukašenkaŭskaha hienierała
Biełaruski hienierał zajaviŭ, što ŭ adkaz na sankcyi Biełaruś maje prava sa zbrojaj «prarubić kalidor» praź Litvu
Ciapier čytajuć
Łukašenka: U amierykancaŭ niama nijakaha płana, jany prosta zandujuć hlebu13
Kamientary