Pieravozčyki ź Biełarusi buduć dekłaravać uzrovień paliva na miažy ź Litvoj
Litva z 8:00 pa vilenskim časie (9:00 pa minskim) 12 sakavika ŭviadzie abaviazkovaje elektronnaje dekłaravańnie ŭzroŭniu paliva ŭ hruzavikach ź Biełarusi i Rasii. Havorka idzie pra pieravozčykaŭ, jakija jeduć tranzitam praz Kalininhrad, paviedamili ŭ Mytnym departamiencie Litvy.
U Mytnym departamiencie ŭdakładnili, što padać dekłaracyju možna budzie praź śpiecyjalny partał iMDAS. Uzrovień paliva buduć praviarać u punktach propusku na miažy ź Biełaruśsiu i Kalininhradskaj vobłaściu jak na ŭjeździe ŭ Litvu, tak i na vyjeździe ź jaje.
Raniej litoŭskija mytniki papiaredžvali, što buduć zamiarać na miažy ŭzrovień paliva ŭ furach z Rasii i Biełarusi, jakija iduć u Litvu. Heta tłumačać častymi vypadkami źlivu i pieraprodažu paliva ŭ Litvie.
U viedamstvie padličyli, što za adnu pajezdku pieravozčyk moža pierapradać na čornym rynku prykładna ad 800 da 1000 litraŭ paliva. Vilnia nibyta hublaje na hetym da 20 młn jeŭra na hod. Za takija dziejańni ŭ Litvie pahražaje kanfiskacyja paliva i vielizarnyja štrafy — da 6 tys. jeŭra. U niekatorych vypadkach pa rašeńni suda možna navat stracić transpartny srodak.
Kamientary