«Kali što, ja navat hatovy ŭziać u ruki zbroju». Prosty biełarus skaryŭ sercy palakaŭ
Hety rolik ź biełarusam u Polščy vyjšaŭ dva miesiacy tamu, ale jaho i dahetul abmiarkoŭvajuć u sacsietkach. Stały mužčyna ŭ šapcy z polskim hierbam spadabaŭsia palakam svaim staŭleńniem da ich krainy — nastolki, što sabraŭ sotni tysiač prahladaŭ.
Rolik, pra jaki idzie havorka, upieršyniu źjaviŭsia ŭ tyktok-akaŭncie vydańnia podatkimeritum.pl jašče 7 studzienia. Ciapier videa maje 828 tysiač prahladaŭ i amal 1300 kamientaroŭ.
Heta vuličnaja apytanka, u jakoj paŭdzielničaŭ biełarus. Mužčyna stałaha ŭzrostu ŭ šapcy z polskim hierbam, jakuju jon nabyŭ u Zakapane, zaŭvažna chvalujecca.
Mužčyna raskazvaje, što źjaŭlajecca ŭciekačom ź Biełarusi. U jaho zapytalisia, dzie lepšyja ŭmovy pracy — u Biełarusi ci ŭ Polščy:
«Byvaje pa-roznamu. Tam, dzie ja ciapier pracuju, našmat lepš, [čym u Biełarusi,] bo heta pryvatnaje pradpryjemstva. U Minsku ja pracavaŭ na dziaržaŭnym pradpryjemstvie, i tam było ciažka».
Biełarus padkreśliŭ, što polskaha zarobku jamu chapaje, i tut nie pracuje pryncyp «zaŭždy mała» — svajoj pracaj mužčyna zadavoleny.
Potym u jaho spytali, čaho jon žadaje dla siabie, ale mužčyna pakazaŭ, što ehaizm jamu nie ŭłaścivy:
«Ja chacieŭ by dla palakaŭ niezaležnaści, trymacca. Kali što — ja navat hatovy ŭziać u ruki niejkuju zbroju i zmahacca. […] Ja tolki što byŭ u kaściole, prasiŭ tam u Boha lubovi da mianie».
Vietlivy i pryjazny biełarus skaryŭ sercy palakaŭ. Voś tolki niekatoryja z socień kamientaroŭ:
«Biełarusy — heta samy družalubny i blizki nam narod».
«Biełarusy zaŭždy byli cudoŭnymi ludźmi».
«Brava! Biełarusy — heta našy braty».
«Fajny miły starejšy čałaviek, jaki šanuje naš kraj».
«Naša Niva» — bastyjon biełaruščyny
PADTRYMAĆ
Kamientary
Dy i sami palaki bolš družalubnyja i adkrytyja ludzi, bo nichto pa hałavie biaspynna nie ciukaje, što nie toje zrabiŭ, nie toje padumaŭ, naohuł, vinien tolki za toje, što naradziŭsia