Rasija prapanuje pabudavać u Biełarusi zavod pa vytvorčaści bieśpiłotnikaŭ
Rasija prapanuje pabudavać u Biełarusi zavod pa vytvorčaści bieśpiłotnych avijacyjnych sistem z mahutnaściu da 100 tysiač adzinak štohod. Ab hetym było zajaŭlena ŭ čas naviedvańnia Alaksandram Łukašenkam vystaŭki rasijskich bieśpiłotnikaŭ, pieradaje BIEŁTA.
«Pytańnie idzie ab stvareńni vytvorčaści ŭsich klučavych kampanientaŭ. Heta, viadoma ž, pytańni zabieśpiačeńnia suvierenitetu. Vielmi važna, kab u Biełarusi byli ŭłasnyja vytvorčaści, jakija rabili b nie tolki ekanomiku, ale i śfieru biaśpieki krainy pa-sapraŭdnamu suvierennymi. Havorka idzie pra toje, kab vykarystoŭvać technałahičnyja napracoŭki i pastanovy, jakija jość u Rasii», — skazaŭ namieśnik kiraŭnika Administracyi prezidenta Rasijskaj Fiederacyi Maksim Areškin.
Areškin kankretyzavaŭ, jak jon heta bačyć: «Zavod, jaki znachodzicca ŭ Biełarusi, całkam łakalizavany, z pryŭniasieńniem usich technałahičnych kampietencyj siudy, adnačasova pracuje na adzinaj technałahičnaj płatformie z zavodami ŭ Rasii i inšych krainach (my nie tolki pra Rasiju havorym). Bazavuju prapanovu — heta budaŭnictva na praciahu adnaho hoda takoha zavoda, jaki moža vypuskać da 100 tysiač adzinak štohod. Heta prapanova, jakuju zrabiŭ rasijski bok. Zaraz z kalehami biełaruskimi budziem abmiarkoŭvać, dzie, jakaja vytvorčaść i hetak dalej. Niejki čas zojmie ŭzhadnieńnie hetych paramietraŭ».
Kamientary