У ЗША ўxвалілі выпуск першых у свеце таблетак, якія ствараюцца з чалавечых экскрэментаў
Прэпарат дапаможа больш эфектыўна спраўляцца з дыярэяй.
Амерыканскае Упраўленне па санітарным наглядзе за якасцю харчовых прадуктаў і медыкаментаў (Food and Drug Administration, FDA) ухваліла масавы выпуск прэпарата Vowst — медыцынскіх капсул супраць дыярэі, якія ствараюцца з чалавечага калу.
Адпаведную заяву ведамства зрабіла 26 красавіка.
Прынцып дзеяння новых лекаў такі: прэпарат Vowst змяшчае ў сабе жывыя фекальныя бактэрыі, якія былі туды імплементаваны з экскрэментаў здаровых людзей. Гэтыя бактэрыі у выглядзе капсул пераральна трапляюць у кішэчнік чалавека, абнаўляючы яго мікрабіём.
Дадзены метад дапаможа эфектыўна змагацца з дыярэяй, бо ўзбуджальнікі дыярэі сталі больш устойлівыя да звычайных лекаў і антыбіётыкаў.
«Самай частай прычынай дыярэі з'яўляецца бактэрыя Clostridioides difficile, якая ў нашы дні з-за пастаяннага ўжывання антыбіётыкаў стала больш устойлівай да лекаў. Гэта дазваляе ёй рэгулярна вылучаць таксіны ў мікрафлору кішэчніка, выклікаючы дыярэі, што таксама можа прыводзіць да смяротных зыходаў.
Таму нам і патрэбны некранутыя антыбіётыкамі фекальныя бактэрыі, якія ў выглядзе капсул будуць аднаўляць мікрабіём кішэчніка, што дапаможа яму змагацца са шкоднымі бактэрыямі», — заяўляе FDA.
Ведамства акцэнтавала ўвагу на тым, што толькі ў ЗША з-за дыярэі кожны год гінуць ад 15 да 30 тысяч чалавек.
Цяпер чытаюць
Муж галоўнай гераіні прапагандысцкага фільма БТ скончыў жыццё самагубствам17
Каментары