Старшыня Беларускага таварыства паляўнічых і рыбаловаў (БТПР) Ігар Шуневіч заявіў, што ў Беларусі плануюць стварыць жаночую паляўнічую арганізацыю. Маўляў, у краіне ёсць значная колькасць жанчын, захопленых паляваннем, а падобныя жаночыя паляўнічыя клубы існуюць у розных краінах.
Фота ілюстрацыйнае
«Калі вельмі коратка, то гэта будзе клуб пры БТПР, які аб'ядноўвае не толькі жанчын, якія ўжо адбыліся як вопытныя паляўнічыя (а такіх у нас нямала), але і дзяўчат і нават дзяўчынак, якія толькі збіраюцца стаць натуралісткамі-прыродакарыстальніцамі», — гаворыцца ў заяве Шуневіча, размешчанай на сайце таварыства.
Для клуба жанчын — аматарак палявання ўжо прыдумалі працоўную назву — «Вавёрка». У арганізацыі будуць свае сімволіка і статут.
Цяпер чытаюць
Муж галоўнай гераіні прапагандысцкага фільма БТ скончыў жыццё самагубствам17
Каментары