Śviet

ŚMI: Tramp chacieŭ udaryć pa Iranie, kab naškodzić Bajdenu

Prezident ZŠA Donald Tramp kansultavaŭsia sa svaimi daradcami z nahody mahčymaj ataki na jadzierny abjekt u Iranie. Pra heta paviedamlaje The New York Times sa spasyłkaj na aficyjnyja krynicy, blizkija da Biełaha doma.

Pavodle źviestak haziety, abmierkavańnie mahčymaj ataki adbyvałasia ŭ minuły čaćvier, 12 listapada, paśla taho, jak mižnarodnyja inśpiektary paviedamili ab značnym pavieličeńni zapasaŭ jadziernych materyjałaŭ u Iranie.

Na sustrečy prysutničali vice-prezident Majk Piens, dziaržsakratar Majk Pampiea, novy kiraŭnik Pientahona Krystafier Miler i kiraŭnik Abjadnanaha kamiteta načalnikaŭ štaboŭ hienierał Mark Mili. NYT piša, što daradcy adhavorvali prezidenta ad udaru pa Iranie, pakolki jon moža pryvieści da šyrokamaštabnaha kanfliktu ŭ apošnija tydni znachodžańnia Trampa na pasadzie. 

Havorka išła ab abjekcie pobač z horadam Natanz u centralnaj častcy Irana — za 30 km ad jaho raźmieščany kambinat, dzie viadziecca ŭzbahačeńnie ŭranu. Zavod źjaŭlajecca adnym z najvažniejšych elemientaŭ iranskaj jadziernaj prahramy. Napiaredadni Mižnarodnaje ahienctva atamnaj enierhii (MAHATE) paviedamiła, što ŭranavyja zapasy Tehierana ŭ 12 razoŭ pieravyšajuć dazvolenyja jadziernaj uhodaj, ź jakoj Vašynhton vyjšaŭ u 2018 hodzie.

Tramp, pavodle źviestak NYT, pytaŭsia ŭ svaich daradcaŭ, jakija varyjanty reahavańnia na hetuju situacyju dastupnyja. Pampiea i Mili paviedamili jamu pra ryzyki vajennaj eskałacyi ŭ rehijonie, paśla čaho pakinuli sustreču. Pavodle infarmacyi vydańnia, niahledziačy na toje, što kansultanty prezidenta pa pytańniach biaśpieki ličać temu z patencyjnym udaram pa jadziernym abjekcie vyčarpanaj, Tramp usio jašče šukaje sposaby nanieści ŭdar.

Pa viersii haziety, takim čynam kiraŭnik dziaržavy choča sapsavać adnosiny ź Iranam, kab jaho supierniku na vybarach Džo Bajdenu paśla prychodu da ŭłady było ciažej vykanać pieradvybarnaje abiacańnie i adradzić jadziernuju ździełku na ŭmovach 2015 hoda.

Kamientary

Ciapier čytajuć

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta13

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta

Usie naviny →
Usie naviny

Nastaŭnica raskazała, jak piedahohi vymušany spravazdačycca za pajezdki za miažu6

Izrail adnaviŭ udary pa abjektach CHAMAS u siektary Haza1

Tramp zajaviŭ, što «mnohija elemienty» mirnaha pahadnieńnia ŭžo ŭzhodnienyja3

Łojka: Kałaŭr moh spračacca i advakatavać takija rečy, pra jakija nichto inšy zaiknucca nie moh7

Raspaviadajem, što za novuju zbroju ŭžyli ŭ Sierbii dla razhonu pratestaŭ. Jana ŭžo jość u Rasii7

Teletranślacyja sa stadyjona ŭ Minsku, jaki ŭ 2021 hodzie adkryvaŭ Łukašenka, «niebiaśpiečnaja dla zdaroŭja apierataraŭ»1

Vienhryja pahadziłasia praciahnuć sankcyi suprać Rasii paśla zvanka Rubia3

Palitźniavolenaja Antanina Kanavałava raskazała, što joj prapanoŭvaŭ HUBAZiK paśla jaje vyzvaleńnia3

Mahiloŭski kanduktar zabaŭlaje pasažyraŭ pieśniami VIDEA1

bolš čytanych navin
bolš łajkanych navin

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta13

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta

Hałoŭnaje
Usie naviny →

Zaŭvaha:

 

 

 

 

Zakryć Paviedamić