Hramadstva1010

Chto z čynoŭnikaŭ pavinšavaŭ biełarusaŭ z Dniom rodnaj movy? Pahladzieli ŭ ich sacsietkach

Dla niekatorych prafiesijnaje śviata supracoŭnikaŭ KDB i Dzień jadnańnia narodaŭ Rasii i Biełarusi akazalisia bolš važnymi.

Lilija Ananič

Deputatka Pałaty pradstaŭnikoŭ Nacyjanalnaha schodu ŭ svaim profili ŭ instahramie nie vinšavała z Dniom rodnaj movy.

Zatoje siarod papiarednich vinšavańniaŭ u Ananič — post z nahody Dnia jadnańnia narodaŭ Rasii i Biełarusi.

Skryn staronki sacsietak

Aleh Hajdukievič

Nie vinšavaŭ z Dniom rodnaj movy biełarusaŭ i ctaršynia ŁDPB. 

U jaho stužcy možna znajści vinšavańnie z prafiesijnym śviatam supracoŭnikaŭ KDB.

«Ahientam KDB być hanarova! Hanaryciesia, što vy ahient KDB!Ščyra sa śviatam usich, chto datyčny da hetaj słužby!» — pisaŭ jon. 

Skryn staronki sacsietak

Taksama deputat vinšavaŭ biełarusak z Dniom maci.

Skryn staronki sacsietak

Jość u Hajdukieviča post ź vinšavańniem z nahody Dnia narodnaha adzinstva. 

Skryn staronki sacsietak 

Volha Čamadanava

Načalnica hałoŭnaha ŭpraŭleńnia ideałahičnaj raboty i pa spravach moładzi Minharvykankama taksama nie stała vinšavać z Dniom rodnaj movy.

U jaje instahramie siarod vinšavalnych pastoŭ, naprykład, jość pryśviečany relihijnamu śviatu — Vadochryšču.

Skryn staronki sacsietak

«Duchoŭnaje i patryjatyčnaje vychavańnie ŭ Hod miru i stvareńnia. U chramie-pomniku ŭ honar Usich Śviatych u ramkach haradskoha prajekta adkazali na pytańni moładzi. Usich z Vadochryščam! Mocnaha zdaroŭja, Božaj dapamohi va ŭsich pačynańniach!» — napisała jana.

Maryna Lančeŭskaja

Z nahody Dnia rodnaj movy vykłała post u instahramie deputatka Pałaty pradstaŭnikoŭ Maryna Lančeŭskaja.

Skryn staronki sacsietak

«Kali ŭ vas padrastajuć dzieci, to ź biełaruskaj movaj vy tak ci inačaj sutykajeciesia amal kožny dzień padčas dapamohi ŭ vykanańni chatnich zadańniaŭ. Nu, a dla inšych Dzień rodnaj movy (a heta akkurat siońnia) — vydatny šaniec jaje ŭspomnić i papraktykavacca.

I choć u našaj krainie kanstytucyjna ŭstanoŭlena dvuchmoŭje, šmat jakija važnyja dakumienty rychtujucca na biełaruskaj movie. Tyja ž chadajnictvy na ŭznaharodžańnie na dziaržaŭnym uzroŭni i navat zakony pišucca na abiedźviuch movach. Z ulikam nacyjanalnaj raznastajnaści našaha etničnaha składu isnavańnie dvuchmoŭja, adnolkavaja pavaha da abiedźviuch moŭ — sapraŭdny zdabytak našaj dziaržavy.

Tamu biełaruskuju movu treba vučyć, lubić i karystacca joju. U ideale — nie tolki siońnia. Tak liču: kali ty žyvieš na hetaj terytoryi i zaviešsia biełarusam, to pavinien viedać i biełaruskuju movu. Jana — častka našaj identyčnaści, załoh suvierenitetu i niezaležnaści», — napisała jana.

Alaksiej Bahdanaŭ 

Ministr antymanapolnaha rehulavańnia i handlu aktyŭna karystajecca sacsietkami i publikuje šmat fota z pracoŭnych mierapryjemstvaŭ. Ale z Dniom rodnaj movy ŭčora jon nie vinšavaŭ.

Apošni śviatočny post u Bahdanava — navahodni.

Skryn staronki sacsietak

Alaksandr Łukjanaŭ

Pieršy sakratar BRSM post z nahody Dnia rodnaj movy nie raźmiaščaŭ. Zatoje znajšoŭ čas u kancy hetaha dnia pavinšavać Vajennuju kamiendaturu minskaha harnizona sa 105-hodździem z dnia ŭtvareńnia Uzbrojenych Sił.

Skryn staronki sacsietak

Maryna Vaśko 

Deputatka Pałaty pradstaŭnikoŭ pa adukacyi, kultury i navucy ŭ Dzień rodnaj movy apublikavała vierš Uładzimira Duboŭki.

«Rodnaja mova, cudoŭnaja mova!
Ty našych dumak utok i asnova!
Matčyn darunak ad samaj kałyski,
Ty samaćvietaŭ jaskravaja nizka».

Skryn staronki sacsietak 

Čytajcie taksama: 

Deputat Marzaluk vykazaŭsia za pazityŭnuju dyskryminacyju na karyść biełaruskaj movy. U častki łukašystaŭ pałychaje

«Rana 9 žniŭnia zaciahniecca». Što deputaty i deputatki pościać u sacsietkach ŠMAT FOTA

Jakija biełaruskija čynoŭniki i dziejačy apazicyi skončyli MHIMO i rasijskija vajskovyja vučelni

Kamientary10

  • Mar
    22.02.2023
    Srazu vidno, koho možno zaniesti v śpiski piatoj kołonny.
  • Ta i budzie
    22.02.2023
    Navošta inšy raz “piariť” hetych pačvar? Kožny oazumny biełarus usio zrazumieŭ pra hety čynoŭničy płast dy kałabarantaŭ-ruskamircaŭ… Nikomu ničoha daravana nie budzie, kožny adkadyć pa spravach svaich, i za zachop ułady, i za zdradu Radzimie, i za katavańni suhramadzian, i za zdušeńnie voli, i za sprobu źniščeńnia hramadzianskaj supolnaści…
  • Dyvizija
    22.02.2023
    pavinšavać Vajennuju kamiendaturu minskaha harnizona sa 105-hodździem z dnia ŭtvareńnia Uzbrojenych Sił.

    Tak heta ž dzień BNR, niedahladzieli KHBisty)))

    https://d1z7h0yvamgnyn.cloudfront.net/310933@

Ciapier čytajuć

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta3

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta

Usie naviny →
Usie naviny

Teletranślacyja sa stadyjona ŭ Minsku, jaki ŭ 2021 hodzie adkryvaŭ Łukašenka, «niebiaśpiečnaja dla zdaroŭja apierataraŭ»1

Vienhryja pahadziłasia praciahnuć sankcyi suprać Rasii paśla zvanka Rubia3

Palitźniavolenaja Antanina Kanavałava raskazała, što joj prapanoŭvaŭ HUBAZiK paśla jaje vyzvaleńnia3

Mahiloŭski kanduktar zabaŭlaje pasažyraŭ pieśniami VIDEA1

Abielskaja: Vyklik bryhady chutkaj dapamohi doraha kaštuje35

Jak achoŭvajuć Pucina — novaje rasśledavańnie6

Pavieł Łatuška stvaraje svoj fond. Što heta za arhanizacyja?27

U rasijskaj MTS raskazali, za kolki kupili biełaruski Eleven2

Novaja prapanova ad litoŭskich kansiervataraŭ moža vyhnać ź Litvy biełaruskich ajcišnikaŭ26

bolš čytanych navin
bolš łajkanych navin

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta3

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta

Hałoŭnaje
Usie naviny →

Zaŭvaha:

 

 

 

 

Zakryć Paviedamić