Mužčyna i žančyna z-pad Minska zahinuli na zimovaj rybałcy ŭ Brasłaŭskim rajonie
Niepadalok ad ahraharadka Bohina Brasłaŭskaha rajona 9 sakavika ratavalniki Tavarystva vyratavańnia na vodach vyciahnuli z voziera Vysokaje dvaich zahinułych 55-hadovych rybałovaŭ — mužčynu i žančynu, jakija napiaredadni razam pryjechali na rybałku ź vioski Sierafimova Minskaha rajona.
Na miesca zdareńnia vyjazdžaŭ načalnik Brasłaŭskaj ratavalnaj stancyi ASVOD Andrej Achramovič. Jon raspavioŭ Kraj.by:
— Mužčynu i žančynu 1970 hoda naradžeńnia šukali z učarašniaha dnia. Tryvohu ŭźniali rodnyja i blizkija paśla taho, jak para pajechała da nas na rybałku i pierastała vychodzić na suviaź.
Spačatku supracoŭniki milicyi znajšli ich aŭtamabil «Reno Daster». Potym padniali ŭ pavietra kvadrakoptar, jaki na voziery Vysokaje zafiksavaŭ kala vostrava rybackija sanki. My vyjechali na miesca. Dla pošukaŭ vykarystoŭvali aerałodku «Pirańnia».
— Prykładna ŭ 11:40 na voziery, za 300-400 mietraŭ ad vostrava, zaŭvažyli rybackija ściažki-žerlicy. U tym ža miescy ŭ vadzie znachodzilisia cieły mužčyny i žančyny. Vizualna jany byli na adlehłaści 7-10 mietraŭ adzin ad adnaho. Zahinułych dastavili na bierah, — raskazaŭ Andrej Achramovič.
Kamientary