«Ён прымусіў мяне гаварыць з людзьмі». Брытанка распавяла, як бяздомны сабака з Мінска стаў яе сябрам і выратаваў ад дэпрэсіі
29-гадовая Элеанора Боўнэс (Eleanor Bowness) з мястэчка Кінгстан-он-Соар і яе дварняк Бэла Роўз дайшлі да паўфіналу найбуйнейшага сусветнага сабачага шоу Crufts. Брытанскае выданне Ealing Times расказала гісторыю былой настаўніцы, якая лечыцца ад дэпрэсіі дзякуючы выратаванаму сабаку з Беларусі, заўважыў reform.by.
«Я была на мяжы самагубства, калі мы знайшлі яго, і ён, без сумневу, выратаваў мне жыццё. Мяне б тут не было без яго», — распавядае Элеанора.
Двухгадовы бяздомны сабака знайшоўся праз выратавальны цэнтр PawHelpUK, і гэта была «любоў з першага погляду». Арганізацыя займаецца выратаваннем сабак з Беларусі і Украіны.
«Ён прыехаў з вуліц Мінска ў Беларусі, і па яго паводзінах мы можам сказаць, што ў яго быў вельмі цяжкі пачатак жыцця», — распавядае былая настаўніца. Паводле яе слоў, ранейшыя гаспадары жорстка абыходзіліся з жывёлай.
«Я ўсё яшчэ змагаюся, працую пакрысе. Раней я была настаўніцай прыродазнаўчых навук у сярэдняй школе, але з таго часу, як у мяне зʼявілася Бэла, я цалкам пагрузілася ў сабачы свет. Я пакінула гэтую пасаду і цяпер працую няпоўны працоўны дзень дрэсіроўшчыкам сабак і спадзяюся стаць майстрам у галіне паводзін жывёл», — кажа брытанка.
Поспех дуэта на найбуйнейшай у свеце выставе сабак дэманструе пераўтваральны ўплыў на свойскіх жывёл, робіць выснову выданне.
«Я ніколі не была чалавекам, які размаўляў з незнаёмцамі, але так шмат людзей цікавілася ім, што ён прымусіў мяне гаварыць з людзьмі», — дзеліцца ўражаннямі ад удзелу ў конкурсе Scruffts для беспародных сабак Элеанора.
Выстава Crufts-2023 праходзіла з 9 па 12 сакавіка ў Нацыянальным выставачным цэнтры Бірмінгема.
-
«Гэта не маё, гэта сябра». Беларус здымае рэакцыю ахоўнікаў метро на фалаімітатары ў заплечніку — відэа збіраюць мільёны праглядаў
-
Сем тыпаў «п’янай асобы»: кім вы становіцеся пад уздзеяннем алкаголю і што гэта азначае?
-
У Сан-Францыска жыве кот, якога завуць Беларусь. Прытым гаспадыня яго — звычайная амерыканка
Каментары