Спорт

«Кальяры» выбіў «Парму» 45-гадовага Буфона з плэй-оф Серыі B

У Італіі працягваюцца стыкавыя матчы плэй-оф за выхад у Серыю А. У суботу ў матчы ў адказ другога раўнда «Парма», за якую гуляе Джанлуіджы Буфон, прымала «Кальяры», які трэніруе Клаўдзіа Раньеры.

Фота: старонка Джанлуіджы Буфона ў інстаграме

Матч у Парме завяршыўся з лікам 0:0, і «Кальяры» выйграў супрацьстаянне з лікам 3:2 па суме дзвюх гульняў.

Галоўнай тэмай матча ў адказ стаў гол гульца гаспадароў Бані на 74-й хвіліне. Тэхналогія лініі варот гол залічыла і паслала адпаведны сігнал на гадзіннік галоўнаму арбітру, але VAR палічыў, што мяч цалкам не перасёк лінію варот, таму гол быў адменены.

У сераду пасля першага тайма першага матча «Парма» вяла з лікам 2:0, але на другі тайм 45-гадовы Буфон не выйшаў з-за траўмы, і яго каманда прапусціла тры мячы. У другім матчы ён ужо не трапіў у заяўку.

Такім чынам, у фінале плэй-оф «Кальяры» сустрэнецца з «Бары». Матчы адбудуцца 8 і 11 чэрвеня.

Джанлуіджы Буфон пачынаў кар'еру ў «Парме» ў 1991 годзе. Ён чатыры гады гуляў за моладзевую каманду, потым шэсць сезонаў правёў у дарослай камандзе, адкуль у 2001 годзе за 52 мільёны еўра (гэта былі рэкордныя грошы для галкіпераў) перайшоў у «Ювентус». У Турыне Буфон правёў 17 сезонаў, потым год гуляў у ПСЖ, затым вярнуўся на два гады ў «Ювентус».

Улетку 2021 года Супермен (такая яго мянушка) вярнуўся ў «Парму», якая вылецела ў той год у Серыю B. За два гады Буфон правёў за клуб 43 гульні. У мінулым годзе «Парма» фінішавала 12-й, а сёлета выйшла ў стыкавы раўнд, але вярнуцца ў Серыю А не здолела.

На жаль, прыгожа вярнуцца легендзе сусветнага футбола ў Серыю А не ўдалося.

Клаўдзіа Раньеры, дарэчы, трэніраваў «Кальяры» ў 1988—1991 гадах, вывеўшы клуб з Серыі С1 у Серыю А. Як атрымаецца зараз, пабачым праз тыдзень.

Каментары

Цяпер чытаюць

Знайшоўся гурт, які плануе сабраць «Мінск-Арэну» чатыры разы запар. І ўжо амаль зрабіў гэта4

Знайшоўся гурт, які плануе сабраць «Мінск-Арэну» чатыры разы запар. І ўжо амаль зрабіў гэта

Усе навіны →
Усе навіны

Лойка: Калаўр мог спрачацца і адвакатаваць такія рэчы, пра якія ніхто іншы заікнуцца не мог7

Распавядаем, што за новую зброю ўжылі ў Сербіі для разгону пратэстаў. Яна ўжо ёсць у Расіі7

Тэлетрансляцыя са стадыёна ў Мінску, які ў 2021 годзе адкрываў Лукашэнка, «небяспечная для здароўя аператараў»1

Венгрыя пагадзілася працягнуць санкцыі супраць Расіі пасля званка Рубіа3

Палітзняволеная Антаніна Канавалава расказала, што ёй прапаноўваў ГУБАЗіК пасля яе вызвалення3

Магілёўскі кандуктар забаўляе пасажыраў песнямі ВІДЭА1

Абельская: Выклік брыгады хуткай дапамогі дорага каштуе35

Як ахоўваюць Пуціна — новае расследаванне6

Павел Латушка стварае свой фонд. Што гэта за арганізацыя?27

больш чытаных навін
больш лайканых навін

Знайшоўся гурт, які плануе сабраць «Мінск-Арэну» чатыры разы запар. І ўжо амаль зрабіў гэта4

Знайшоўся гурт, які плануе сабраць «Мінск-Арэну» чатыры разы запар. І ўжо амаль зрабіў гэта

Галоўнае
Усе навіны →

Заўвага:

 

 

 

 

Закрыць Паведаміць