На пастаўках алкагольнага напою Aperol зарабляе Кіраўніцтва справамі Лукашэнкі
Пастаўкамі ў Беларусь італьянскага алкагольнага напою Aperol, які ў нашай краіне не прадавалі амаль пяць гадоў, займаецца «Беларусьгандаль», як высветліў БРЦ. Эксклюзіўнае права прадаваць напой атрымала сетка WINE & SPIRITS.
«Ён эксклюзіўна прадаецца ў сетцы нашых магазінаў у аб'ёме 0,7 і літр. 0,7 — 46,9 рубля, літр — 64,9 рубля. Забаронена было з 2017 года. А цяпер на рынку Беларусі мы адзіныя пастаўшчыкі. Хутчэй за ўсё, з наступнага месяца ён будзе даступны ў прынцыпе ўсюды ў розніцы. Але пакуль эксклюзіўна ў нашых крамах», — расказалі журналістам-расследавальнікам у адной з крамаў сеткі.
Італьянскі бітэр знік з паліц беларускіх крам у 2017 годзе, паколькі ў ім утрымліваўся забаронены сінтэтычны фарбавальнік E110, пісалі медыя.
Цяпер у беларускім рэестры небяспечнай прадукцыі Дзяржстандарту згадак аб забароне Aperol журналісты не знайшлі.
Фарбавальнік, як высветліў БРЦ, усё яшчэ прысутнічае ў складзе Aperol. Гэта паказваецца і на этыкетцы напою. Пры гэтым да іншых тавараў, дзе ўтрымліваецца Е110, у Дзяржстандарту з'яўляюцца пытанні, напрыклад да арахісу, воцату або цукерак.
Журналісту БРЦ у ведамстве не змаглі патлумачыць, чаму напой зноў з'явіўся ў продажы.
На этыкетцы Aperol згадваецца, што алкаголь у Беларусь пастаўляе «Беларусьгандаль». Кампанія належыць Кіраўніцтву справамі Лукашэнкі, якое да 2021 года ўзначальваў паплечнік Лукашэнкі Віктар Шэйман. Сваю прадукцыю кампанія ў тым ліку прадае розным дзяржструктурам — ад школ да вайсковых частак.
Агульная сума атрыманых «Беларусьгандлем» дзяржкантрактаў за тры гады з лішнім перавысіла 2 млн беларускіх рублёў.
Хто мог зарабіць мільёны на міграцыйным крызісе на мяжы Беларусі і ЕС?
Мінабароны Беларусі выдзеліла рэкордныя 3,1 млн рублёў на закуп беспілотнікаў «Суперкам». Такія ж мадэлі Расея выкарыстоўвала ва Украіне
Як беларускія клінеры зарабілі дзясяткі мільёнаў еўра ў Беларусі, Расеі і Украіне і за што іх судзяць у Латвіі
Цяпер чытаюць
Нам трэба лідар-атаман? Гісторык Цімох Акудовіч — пра стратэгію выжывання беларусаў і што рабіць з Расіяй7
Каментары