Навука і тэхналогіі11

Штучны інтэлект у офісе не дадае работнікам шчасця

Новае вялікае даследаванне выявіла, што супрацоўнікі, якія выкарыстоўваюць ШІ на працоўным месцы, адчуваюць павышаны ўзровень адзіноты, бессані і больш ужываюць алкаголю.

Выява: vecteezy

Штучны інтэлект перавярнуў сітуацыю на працоўным рынку, бо прынёс з сабой страх і ў нейкіх сферах ужо масавыя звальненні. Новае даследаванне паказвае, што негатыўныя наступствы на гэтым не заканчваюцца. Група даследчыкаў вырашыла выявіць эмацыянальны ўплыў ШІ на псіхіку чалавека на працоўным месцы, знайшоўшы доказы, якія паказваюць на рызыку павышанай псіхічнай нестабільнасці.

Даследаванне, апублікаванае ў Journal of Applied Psychology, выкарыстоўвае прыклад таго, як «дагэтуль руцінныя дзеянні накшталт пошуку другога меркавання аб прапанаваным рашэнні для кліента зараз могуць быць выкананыя амаль імгненна (і больш дакладна) сістэмай ШІ». Такім чынам, як кажуць аўтары, больш частае ўзаемадзеянне са ШІ можа прывесці да мацнейшага пачуцця сацыяльнай аддаленасці ад калег, што, імаверна, павялічыць пачуццё адзіноты.

Для даследавання было праведзена ажно чатыры эксперыменты ў чатырох краінах: у ЗША, на Тайвані, у Інданезіі і ў Малайзіі. Супрацоўнікаў падзялілі на дзве групы і адной загадалі пазбягаць любога выкарыстання штучнага інтэлекту на працягу трох дзён, а другой — як мага часцей узаемадзейнічаць з ім. Прадстаўнікі другой групы ў Інданезіі і Малайзіі сутыкнуліся ў выніку з ростам пачуцця адзіноты і бессанню.

Эксперымент на Тайвані, які ахапіў 166 інжынераў біямедычнай кампаніі, паказаў павелічэнне спажывання алкаголю пасля працы ў другой групе (якая карысталася ШІ), аднак з такімі ж узроўнямі адзіноты і бессані, якія дэманстравала першая група.

Gizmodo пры гэтым заўважае, што ў выніках даследавання ёсць агаворка, што рэакцыя на выкарыстанне ШІ вагаецца ў залежнасці ад арганізацыі, што можа павялічыць узровень бессані, адзіноты і спажывання алкаголю. Тым не менш супрацоўнікі, якія выкарыстоўвалі ШІ, аказаліся больш успрымальнымі і больш карыснымі для сваіх калег, хоць у даследаванні адзначаецца, што гэта можа быць адказам на паведамленні аб росце адзіноты і на патрэбу ў сацыяльным узаемадзеянні.

Такім чынам, кампаніі павінны гарантаваць, што іх супрацоўнікі не ўзаемадзейнічаюць выключна і толькі са ШІ, як гаворыцца ў даследаванні, а ўключэнне ШІ ў рабочыя працэсы можа змяніць прыярытэты сацыяльнага ўзаемадзеяння на працоўным месцы. Даследчыкі папярэджваюць, што штодзённае ўзаемадзеянне са «штучным калегам» можа прывесці да павелічэння патрэбы ў сяброўстве, а таксама да пачуцця адзіноты.

Каментары1

  • ии
    03.07.2023
    а гэты тэкст часам не ШІ пісаў?)

Цяпер чытаюць

Стала вядома пра смерць 41-гадовага былога палітвязня з Гродна Аляксея Аўсюкевіча7

Стала вядома пра смерць 41-гадовага былога палітвязня з Гродна Аляксея Аўсюкевіча

Усе навіны →
Усе навіны

«Усё скончана». Украінскія вайскоўцы расказалі пра адступленне з Курскай вобласці8

На адным з самалётаў «Белавія» адключылася сістэма папярэджання сутыкненняў у паветры

Японца Наканісі Масатосі асудзілі ў Беларусі да 7 год калоніі 3

ЗША прыпыняе фінансаванне «Радыё Свабода» і тэлеканалу «Настоящее время» з 1 красавіка?8

У Мінску заўважылі BMW з прыгожым нумарам і «восьмым» рэгіёнам ФОТАФАКТ3

Непаўналетняя дзяўчына здзейсніла самагубства на ўпісцы ў Брэсцкай вобласці

Дачка прэс-сакратара Пуціна выйшла замуж і змяніла прозвішча12

«Гэта добры знак салідарнасці». Тадэвуш Кандрусевіч падзякаваў за тое, што людзі маліліся за яго здароўе

Літоўскія эліты лічаць галоўным выклікам для краіны пагрозы з боку Беларусі і Расіі5

больш чытаных навін
больш лайканых навін

Стала вядома пра смерць 41-гадовага былога палітвязня з Гродна Аляксея Аўсюкевіча7

Стала вядома пра смерць 41-гадовага былога палітвязня з Гродна Аляксея Аўсюкевіча

Галоўнае
Усе навіны →

Заўвага:

 

 

 

 

Закрыць Паведаміць