Культура

У Ляхавіцкім раёне аднавілі старажытны арган і ладзяць фестывалі

Арганісты з розных мясцінаў Беларусі, а таксама з-за мяжы прыязджаюць у касцёл вёскі Мядзведзічы Ляхавіцкага раёна, каб сыграць на старажытным аргане 1912 года. Інструмент аднавілі ў 2020-м і ўжо цягам трох гадоў тут праходзяць канцэрты арганнай музыкі, піша выданне «Смартпрэс».

Падчас канцэрту Ганны Лабкоўскай у Мядзведзічах 13 жніўня. Тут і далей — фота Марыны Валасар

Сёлета ў праграме фестывалю Ars Magna Organi ў Мядзведзічах было запланавана 7 канцэртаў. Пяты з іх прайшоў зусім нядаўна — 13 жніўня. Творы знакамітых кампазітараў выканала арганістка з Мінска Ганна Лабкоўская. Прагучалі мелодыі Ёгана Себасцьяна Баха, Нікалауса Брунса, Марсэля Дзюпрэ, Аліўе Месіяна і Сезара Франка.

Дарэчы, канцэрты ў межах фестывалю Ars Magna Organi праходзяць цяпер не толькі ў Мядзведзічах, але таксама ў Пінску і Віцебску, дзе арганізуюцца на мясцовым узроўні.

Арганістка Ганна Лабкоўская

Арганізатарам фестывалю ў Мядзведзічах выступіў Ляхавіцкі райвыканкам. Наступныя выступленні адбудуцца 27 жніўня і 10 верасня. Уваход на ўсе канцэрты — бясплатны.

Арган у Мядзведзічах знаходзіцца ў мясцовым касцёле святых Апосталаў Пятра і Паўла. Ён быў збудаваны ў 1912 годзе віленскім майстрам Пятром Вайцяховічам. Гэта найбуйнейшы інструмент, выкананы ў цалкам рамантычным стылі, што захаваўся ў першапачатковым выглядзе.

Старажытны арган у Мядзведзічах (1912 год)

Мядзведзіцкі арган лічыцца таксама адным з найбуйнейшых арганаў Беларусі, якія былі збудаваныя да Першай сусветнай вайны. Ён займае другое месца па сваёй велічыні сярод гістарычных арганаў Брэсцкай вобласці, а таксама трэцяе — па колькасці рэгістраў сярод усіх адрамантаваных гістарычных арганаў Беларусі, саступаючы толькі арганам у Пінску і Мсцібаве.

З ініцыятывай аднавіць арган некалькі гадоў таму выступіў Ляхавіцкі райвыканкам. Потым адбылася сустрэча прадстаўнікоў мясцовых уладаў з біскупам Пінскім Антоніем Дзям’янкам, на якой і вырашылі рэалізаваць гэтую справу.

Аднаўленне аргана ў Мядзведзічах, 2020 год. Фотаздымкі з фэйсбук-старонкі Аляксандра Бурдзялёва

Цягам 10 месяцаў, з восені 2019-га да лета 2020-га, адбываўся рамонт аргана, у якім удзельнічала 13 чалавек — валанцёры-энтузіясты розных прафесій з Мядзведзічаў і з іншых мясцін Беларусі. Да іх далучыўся, у тым ліку, колішні пробашч парафіі св. Апосталаў Пятра і Паўла, кс. Вінцэнт Сяўрук. Працэсам аднаўлення кіраваў Аляксандр Бурдзялёў, стваральнік энцыклапедыі «Арганы Беларусі».

Каментары

Цяпер чытаюць

Актывістка Наста Базар папрасіла ў сяброў грошы на жыццё. Меркаванні радыкальна падзяліліся61

Актывістка Наста Базар папрасіла ў сяброў грошы на жыццё. Меркаванні радыкальна падзяліліся

Усе навіны →
Усе навіны

З’явілася ВІДЭА моманту аварыі, у якой пацярпелі шэсць машын

«Як у Лондане ці Мадрыдзе». У Брэсце будуюць незвычайны жылы комплекс з цаной метра ад 4300 рублёў3

Зяленскі плануе ўвечары пагаварыць з Трампам4

Кашалёк Лукашэнкі стаў уладальнікам брэнду музычнага фестывалю, куды запрашаюць расійскіх Z-спевакоў4

«Літва — зона камфорту». Як 21-гадовая беларуска бясплатна вучыцца ў тэхнічным універсітэце і працуе ў IT4

Што хаваецца за бананавай індустрыяй Коста-Рыкі. У Еўропу трапляюць «чыстыя» бананы, але хто расплачваецца за гэта?15

Каля станцыі метро «Пушкінская» здарылася масавая аварыя4

Ціханоўская пра прапагандысцкі фільм БТ: Мы ніколі не будзем рызыкаваць людзьмі25

Муж галоўнай гераіні прапагандысцкага фільма БТ скончыў жыццё самагубствам34

больш чытаных навін
больш лайканых навін

Актывістка Наста Базар папрасіла ў сяброў грошы на жыццё. Меркаванні радыкальна падзяліліся61

Актывістка Наста Базар папрасіла ў сяброў грошы на жыццё. Меркаванні радыкальна падзяліліся

Галоўнае
Усе навіны →

Заўвага:

 

 

 

 

Закрыць Паведаміць