Hramadstva33

Žančyna pieradpiensijnaha ŭzrostu, jakaja pracuje nastaŭnicaj. Skłali partret naziralnika na sioletnich vybarach

Redakcyja vydańnia «Fłahštok» zdabyła 54 niepubličnyja śpisy naziralnikaŭ na vybarčych učastkach u roznych rajonach Homielskaj vobłaści na vybarach u adziny dzień hałasavańnia 25 lutaha. Na padstavie ich vydańnie skłała partret siaredniaha sioletniaha «naziralnika» ŭ hetym rehijonie.

Naziralniki ŭ Homielskim rajonie na schodzie ŭ lutym 2024 hoda. Fota: hazieta «Majak»

Usiaho ŭ Homielskaj vobłaści sfarmiravali 955 vybarčych učastkaŭ. Na kožnym ź ich prysutničaje ŭ siarednim pa piać naziralnikaŭ.

Siarod vybarčych učastkaŭ jość i takija, dzie naziralnikami źjaŭlajucca vyklučna rabotniki ŭstanovy, u jakoj arhanizavana hałasavańnie. Praŭda, farmalna sposab ich vyłučeńnia moža adroźnivacca.

Raźmierkavańnie naziralnikaŭ u zaležnaści ad sposabu vyłučeńnia, %

Amal pałova ŭsich naziralnikaŭ vyłučana praŭładnymi hramadskimi arhanizacyjami. Najbolš aktyŭnym ź ich źjaŭlajecca Biełaruskaje hramadskaje abjadnańnie vieteranaŭ, jakoje pradstaŭlajuć 16% usich naziralnikaŭ. Biełaruski sajuz žančyn, jakim kiruje kiraŭnica spravami Homielskaha abłvykankama Alena Kličkoŭskaja, nakiravaŭ 13% naziralnikaŭ.

Praŭładnymi prafsajuzami vyłučana 30% naziralnikaŭ. Samym aktyŭnym akazaŭsia dziaržprafsajuz rabotnikaŭ adukacyi i navuki, jaki masava nakiravaŭ na vybarčyja ŭčastki nastaŭnikaŭ.

Pra toje, što praces vyłučeńnia naziralnikaŭ byŭ čysta farmalnym, možna zrazumieć pa kandydaturach ad BRSM. Siarod ich apynulisia navat tyja, kamu ŭžo spoŭniłasia bolš za 50 hadoŭ.

U siarednim kožny piaty naziralnik pracuje nastaŭnikam. Prykładna stolki ž siarod naziralnikaŭ i piensijanieraŭ. Najbolšaja častka naziralnikaŭ znachodzicca ŭ pieradpiensijnym uzroście.

Raźmierkavańnie naziralnikaŭ u zaležnaści ad uzrostu, %

Bolš za pałovu ŭsich naziralnikaŭ užo adśviatkavali 50-hadovy jubilej, amal čverć znachodzicca va ŭzroście ad 51 da 60 hadoŭ. U śpisach jość i takija, jakim užo spoŭniłasia 80 hadoŭ. A na naziralnikaŭ va ŭzroście da 20 hadoŭ prypadaje mienš za 1%.

Nazirać za vybarami adpraŭlajuć pieravažna žančyn, na ich dolu prypadaje 82% usich naziralnikaŭ.

Takim čynam, siaredniestatystyčny partret naziralnika možna apisać nastupnym čynam: žančyna pieradpiensijnaha ŭzrostu, jakaja pracuje nastaŭnicaj, pryznačanaja nazirać adnoj z praŭładnych hramadskich arhanizacyj. Jakaja heta arhanizacyja — nie maje značeńnia. Moža być navat BRSM.

Čytajcie taksama: 

Mahiloŭskaja deputatka Pałaty źniałasia pasiarod vybaraŭ. I što, daviadziecca pieramahać jaje sparynh-partniorcy?

Za try dni praz učastki ŭžo nibyta prahnali čverć vybarščykaŭ

U Barysavie vybarščykaŭ zavablivajuć na ŭčastki piernikami FOTAFAKT

Kamientary3

  • Smatraščy
    23.02.2024
    Nabludajecca hiendernaje ravianstva i non-ejdžyzm.
  • Aficyjna dazvolenaja "naziralnica"
    23.02.2024
    Sapraŭdy tyj samy vypadak, kali "sami nie žili, i vam nie dadim!"
  • ..
    24.02.2024
    a vy na ŭrad, na kiraŭnictva pahladzicie - voś tam ravienstva - adni mužyki. a nie - nada zvalić, jak zaŭždy, na žančyn

Ciapier čytajuć

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta14

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta

Usie naviny →
Usie naviny

Što ŭkazvaje na vysokuju ryzyku suicydu ŭ čałavieka, jaki pra heta kaža? Adkazvaje psichijatr4

Stała viadoma pra śmierć 41-hadovaha byłoha palitviaźnia z Hrodna Alaksieja Aŭsiukieviča13

Śpis mierapryjemstvaŭ da Dnia Voli na vyhnańni3

Pierasiakać miažu Biełarusi z Łatvijaj možna budzie tolki aŭtatranspartam

Tramp pryznaŭsia, što sprečka ź Zialenskim u Biełym domie była častkaj cisku na Ukrainu13

Nastaŭnica raskazała, jak piedahohi vymušany spravazdačycca za pajezdki za miažu6

Izrail adnaviŭ udary pa abjektach CHAMAS u siektary Haza2

Tramp zajaviŭ, što «mnohija elemienty» mirnaha pahadnieńnia ŭžo ŭzhodnienyja3

Łojka: Kałaŭr moh spračacca i advakatavać takija rečy, pra jakija nichto inšy zaiknucca nie moh7

bolš čytanych navin
bolš łajkanych navin

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta14

Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta

Hałoŭnaje
Usie naviny →

Zaŭvaha:

 

 

 

 

Zakryć Paviedamić