Свет99

Сярод вагнераўцаў, якія катавалі і забілі кувалдай сірыйца на камеру ў 2017-м, былі два беларусы

Адзін з іх быў у складзе той самай групы наймітаў, якіх затрымліваў КДБ падчас выбарчай кампаніі 2020 года. 

Фота: групавы фотаздымак з месца расправы, выданне «Новая газета»

Сталі вядомыя імёны наймітаў ПВК «Вагнер», якія ў 2017 годзе з выкарыстаннем кувалды замучалі, забілі і расчлянілі жыхара Сірыі, зняўшы гэта на некалькі камер і затым выклаўшы гэтыя відэа ў інтэрнэт. Сярод галаварэзаў аказаліся два грамадзяніна Беларусі.

Пра гэта 20 лютага паведаміў расследніцкі цэнтр «Досье», які сумесна з выданнямі Die Welt, Insider, Paris Match і Arte атрымаў доступ да ўнутранай дакументацыі ПВК «Вагнер» і ўстанавіў асобы гэтых наймітаў.

Адзначаецца, што некаторыя з іх ужо мёртвыя, але астатнія жывуць на волі ў Расіі (ці ў Беларусі), займаючыся звычайнай дзейнасцю альбо працягваючы працаваць на «Вагнер».

«Сярод саўдзельнікаў расправы ў тым ліку ёсць двое былых супрацоўнікаў МУС РФ, дробны крымінальнік, казак-манархіст, ураджэнцы Беларусі і памочнік дэпутата ад КПРФ. Усе яны ўваходзілі ў 4-ю штурмавую роту ПВК «Вагнер». 

«Забойства сірыйца было зроблена наўмысна і на загад начальства. Аднак пасля траплення відэа ў сетку «Вагнер» пачаў праводзіць унутранае расследаванне ўцечкі, а расійскае кіраўніцтва і следчы камітэт не завялі ніякіх крымінальных спраў, назваўшы злітыя відэа несапраўднымі», — напісана ў апублікаваным расследаванні цэнтра «Досье».

Больш падрабязную інфармацыю пра ўдзельнікаў пакарання можна атрымаць ​​па гэтай спасылцы. Мы ж падрабязней разгледзім толькі ўраджэнцаў Беларусі.

Будзько Мікалай Віктаравіч

Фота: Цэнтр «Досье»

Мікалай Будзько нарадзіўся ў Горках у 1975 годзе. З 1993 па 1994 год ён праходзіў тэрміновую службу ў беларускай арміі і стаў намеснікам камандзіра ўзвода ПДВ (цяперашнія Сілы спецыяльных аперацый). Затым пераехаў у Расію, атрымаў там грамадзянства і ўладкаваўся ў расійскі АМАП.

Далейшы яго паслужны спіс быў такім: дзве баявыя камандзіроўкі ў Дагестан і Чачню, служба ў французскім Замежным легіёне, праца ў расійскім ПВК Moran Security Group і потым ужо з 2015 года служба па кантракце ў «Вагнеры», дзе ён становіцца камандзірам 4-й штурмавой роты, якая і здзейсніла злачынства ў Сірыі.

«Як высветлілася, менавіта ён аддаваў загад аб жорсткім забойстве сірыйца ў 2017 годзе. Больш за тое, да яго ад падначаленых паступалі знятыя матэрыялы пакарання, якія ён потым у якасці справаздачы аб праведзенай працы адпраўляў далей вышэйстаячаму камандаванню», — сказана ў расследаванні.

Згодна з атрыманай інфармацыяй, за гэтае злачынства Будзько не быў прыцягнуты да крымінальнай адказнасці. Наадварот, ён працягнуў працаваць у ПВК «Вагнер» у якасці камандзіра ўсё той жа 4-й штурмавой роты, выконваючы розныя заданні ў Афрыцы і Сірыі.

Бакуновіч Андрэй Пятровіч

Фота: Цэнтр «Досье»

У расследаванні адзначаецца, што Андрэй Бакуновіч таксама мае падвойнае грамадзянства Беларусі і Расіі. Сам ён нарадзіўся ў Калінкавічах, але потым жыў ў Цюменскай вобласці Расіі.

Ён у шэрагах вагнераўцаў удзельнічаў у баявых дзеяннях ва Украіне ў 2014-2017 гадах на баку непрызнанай «ДНР», а затым працягнуў працаваць наймітам, але ўжо па-за ПВК «Вагнер».

«Ягоны далейшы лёс аказаўся пераплецены з выбарамі 2020 года ў Беларусі, бо ён быў у складзе тых самых расійскіх наймітаў, якіх летам таго ж года арыштавала КДБ у санаторыі «Беларусачка». Вагнераўцаў тады абвінавацілі ў спробах дэстабілізацыі сітуацыі ў краіне перад выбарамі, а затым праз пэўны час выпусцілі», — паведамляе цэнтр «Досье».

Аднак з 33 наймітаў толькі 32 вярнуліся назад у Расію, і сярод іх не было Бакуновіча.

Мяркуецца, што ён застаўся ў Беларусі, бо на той момант Бакуновіч ужо жыў са сваёй сям'ёй у Калінкавічах працяглы час. Але далейшы яго лёс невядомы.

Чытайце яшчэ:

Вызвалены з палону баец УСУ: Нас у СІЗА везлі праз тэрыторыю Беларусі

Групоўка Вагнера страціла ва Украіне больш за 30 тысяч чалавек забітымі і параненымі — CNN 

Першая частка ўкраінскіх вайскоўцаў прайшла падрыхтоўку на базе ЗША ў Германіі

Каментары9

  • Rubbish
    20.02.2023
    То в украинских хатах прячутся "белорусские шпионы", то изверги белорусы сирийцев пытают. Зачем оппозиционные издания публикуют этот мусор?
  • Ной
    20.02.2023
    Эти два существа точно не будут жить в свободной Беларуси, впрочем как и нигде вообще.
    Вот такие существа и есть конечный продукт людоедского режима.
    Не забудем, не простим!
  • кот
    21.02.2023
    Мойша,белорусы они не такие,да - принцессы ж не какают.

Цяпер чытаюць

Дзе нарадзіліся вядомыя беларусы? Больш за дзесяць тысяч асоб сабралі на адной карце

Дзе нарадзіліся вядомыя беларусы? Больш за дзесяць тысяч асоб сабралі на адной карце

Усе навіны →
Усе навіны

«Трамп, відаць, не пагадзіўся на гэтыя вар'яцкія ўмовы»: першыя рэакцыі на размову Трампа з Пуціным8

Маршрутка для тых, хто курыць, ці самагонны апарат на колах? У Бабруйску заўважылі незвычайнае аўто1

«Вельмі добрая і прадуктыўная». Трамп пракаментаваў сваю размову з Пуціным4

Якія назвы вуліц самыя папулярныя ў Беларусі?5

Пад Віцебскам інструктары ПВК «Вагнер» трэніруюць афрыканскіх байцоў кіраваць дронамі2

ЗША і Расія зрабілі заявы пасля размовы Трампа і Пуціна25

У Ленінградскай вобласці ўпаў вайсковы верталёт, ёсць загінулыя2

Парламент Германіі прыняў гістарычнае рашэнне3

У «Мінск-Свеце» зноў патоп: вада льецца з балконаў і затапляе пад'езды5

больш чытаных навін
больш лайканых навін

Дзе нарадзіліся вядомыя беларусы? Больш за дзесяць тысяч асоб сабралі на адной карце

Дзе нарадзіліся вядомыя беларусы? Больш за дзесяць тысяч асоб сабралі на адной карце

Галоўнае
Усе навіны →

Заўвага:

 

 

 

 

Закрыць Паведаміць